નવી દિલ્હી : (રાત્રે ૧૦:૨૧): નિયંત્રણ રેખા (LoC) પર હાલમાં કોઈપણ પ્રકારનું ફાયરિંગ થઈ રહ્યું નથી, તેમ સંરક્ષણ સૂત્રોએ સ્પષ્ટતા કરી છે. અગાઉ સરહદી વિસ્તારોમાં તણાવ અને ફાયરિંગના અહેવાલો વચ્ચે આ માહિતી સામે આવી છે.

સૈન્ય સૂત્રોએ વધુમાં જણાવ્યું છે કે શ્રીનગરમાં કોઈ પણ પ્રકારના ધડાકા થયા નથી. એલઓસી પર અગાઉ ફાયરિંગ થયું હતું, પરંતુ હાલમાં તે બંધ છે. જો કે, સરહદી વિસ્તારોમાં ડ્રોન દેખાયા હોવાના અહેવાલ છે, અને આ અંગે ટૂંક સમયમાં સત્તાવાર પુષ્ટિ આપવામાં આવશે.

સંરક્ષણ સૂત્રોના આ નિવેદનથી સરહદી વિસ્તારોમાં પ્રવર્તી રહેલી તંગદિલી વચ્ચે થોડી રાહત મળી શકે છે. તેમ છતાં, ડ્રોનની ગતિવિધિઓને લઈને સુરક્ષા એજન્સીઓ સતર્ક છે અને પરિસ્થિતિ પર ચાંપતી નજર રાખી રહી છે.