વોશિંગ્ટન: અમેરિકાના રાષ્ટ્રપતિ ડોનાલ્ડ ટ્રમ્પે ગેરકાયદેસર ઇમિગ્રન્ટ્સને દેશનિકાલ માટે યુએસ ડિપાર્ટમેન્ટ ઓફ હોમલેન્ડ સિક્યોરિટી (ડીએચએસ)માં ૨૦,૦૦૦ અધિકારીઓની ભરતીનો આદેશ આપ્યો છે. આ આદેશ શુક્રવારે જારી થયો, જે ‘પ્રોજેક્ટ હોમકમિંગ’ નામની યોજનાનો ભાગ છે, જેમાં ગેરકાયદેસર ઇમિગ્રન્ટ્સને સ્વૈચ્છિક રીતે દેશ છોડવા પ્રોત્સાહન આપવામાં આવે છે. ટ્રમ્પે એક વીડિયોમાં જણાવ્યું કે, તેઓ આ પ્રક્રિયાને “શક્ય તેટલી સરળ” બનાવી રહ્યા છે.

આ પહેલા જ ટ્રંપ સરકાર તરફથી સ્વૈચ્છિક રીતે દેશ છોડનારાઓ માટે મફત ફ્લાઇટ્સ અને ૧,૦૦૦ ડોલર (અંદાજે ૮૩,૦૦૦ રૂપિયા)નું “એક્ઝિટ બોનસ” આપવાની ડીએચએસ સેક્રેટરી ક્રિસ્ટી નોમે જાહેરાત કરી હતી. ટ્રમ્પે ગેરકાયદેસર ઇમિગ્રન્ટ્સને સીપીબી હોમ એપ દ્વારા સ્વૈચ્છિક દેશનિકાલ માટે નોંધણી કરવા જણાવ્યું છે.

આ યોજના હેઠળ, જેઓ દેશ નહીં છોડે તેમને જેલ, દંડ, સંપત્તિ જપ્તી અને અચાનક દેશનિકાલની કડક સજાનો સામનો કરવો પડશે. ટ્રમ્પે રાજ્ય અને સ્થાનિક પોલીસ, નેશનલ ગાર્ડ તેમજ અન્ય ફેડરલ એજન્સીઓના અધિકારીઓને ડીએચએસની મદદ માટે નિયુક્ત કરવા આદેશ આપ્યો છે. હાલમાં ઇમિગ્રેશન એન્ડ કસ્ટમ્સ એન્ફોર્સમેન્ટ (આઇસીઇ) પાસે ૨૧,૦૦૦ કર્મચારીઓ છે, જેમાંથી ૬,૧૦૦ દેશનિકાલ અધિકારીઓ અને ૭૫૦ એન્ફોર્સમેન્ટ રિમૂવલ આસિસ્ટન્ટ્સ છે. આઇસીઇ પાસે હાલ ૬,૧૦૦ દેશનિકાલ અધિકારીઓ છે, પરંતુ ટ્રમ્પની નીતિને અમલમાં મૂકવા વધુ સ્ટાફની જરૂર છે.

ટ્રમ્પની અન્ય દેશનિકાલ પદ્ધતિઓ, જેમ કે ૧૮મી સદીના એલિયન એનિમીઝ એક્ટનો ઉપયોગ, ફેડરલ કોર્ટમાં પડકારવામાં આવી છે. ટેક્સાસના જજ ફર્નાન્ડો રોડ્રિગ્ઝ અને ન્યૂયોર્કના એક જજે આ એક્ટનો ઉપયોગ “ગેરકાયદેસર” ગણાવ્યો છે. નવી ભરતીના ખર્ચ અંગે ટ્રમ્પના આદેશમાં કોઈ સ્પષ્ટતા નથી.

અમેરિકાના રાષ્ટ્રપતિ ડોનાલ્ડ ટ્રમ્પે ગેરકાયદેસર ઇમિગ્રન્ટ્સને સ્વૈચ્છિક રીતે દેશ છોડવા અથવા કડક સજાનો સામનો કરવા ચેતવણી પણ આપી છે. ‘પ્રોજેક્ટ હોમકમિંગ’ યોજના હેઠળ, સરકાર સ્વૈચ્છિક દેશનિકાલ માટે મફત ફ્લાઇટ્સ અને ૧,૦૦૦ ડોલરનું બોનસ આપશે. ટ્રમ્પે ડીએચએસમાં ૨૦,૦૦૦ નવા અધિકારીઓની ભરતીનો આદેશ આપ્યો છે, જેમાં રાજ્ય, સ્થાનિક પોલીસ અને નેશનલ ગાર્ડનો પણ સમાવેશ થશે.

સીપીબી હોમ એપ દ્વારા ઇમિગ્રન્ટ્સ દેશનિકાલ માટે નોંધણી કરી શકે છે. જેઓ દેશ નહીં છોડે, તેમની સંપત્તિ જપ્ત થશે, વેતન ગાર્નિશ થશે અને જેલની સજા થશે. ટ્રમ્પની આ એલિયન એનિમીઝ એક્ટની પદ્ધતિને ફેડરલ કોર્ટે ગેરકાયદેસર ગણાવી છે.