<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 16th May 2025

વિશ્વમાં બોલિવિયા લોકોમાં હ્રદયરોગનું પ્રમાણ સૌથી ઓછું

લોકો કોઇ પણ પ્રકારનો નશો કે ધુમ્રપાન કરતા નથી : સતત એક્‍ટિવ રહેતા હોવાથી હ્રદય અને ધમનીને કસરત મળે છે

લાપેઝ,તા.૧૬: હ્વદય સંબંધી બીમારીઓનું પ્રમાણ વિશ્વમાં વધતું જાય છે ત્‍યારે બોલિવિયા દેશના ઇન્‍ડિજિન્‍યસ સિમેન લોકોમાં ધમની અને હ્વદયરોગની બીમારી વિશ્વમાં સૌથી ઓછી જોવા મળે છે. એ રીતે જોઇએ તો તેઓ સૌથી વધુ મજબૂત હ્વદય ધરાવે છે. આ તાસ્‍માને લોકોમાં હ્વદય રોગનું પ્રમાણ અમેરિકાના નાગરિકો કરતા પાંચ ગણું ઓછું છે.

તાસ્‍માને લોકોની લાઇફ સ્‍ટાઇલ એવી રીતે ગોઠવાયેલી છે જેમાં પુરુષો સરેરાશ ૭ થી ૮ કલાક જયારે મહિલાઓ સરેરાશ ૫ થી ૬ કલાક નિયમિત શ્રમ કરે છે. એક માહિતી મુજબ નોકરી કે વ્‍યવસાય કરતા સરેરાશ માણસ કરતા ૫૪ ટકા વધારે સક્રિય રહે છે. તેઓ પોતાની દિનચર્યામાં માત્ર ૧૦ ટકા જેટલો જ સમય જ વેડફે છે.તેઓ હંટિંગ, ગેધરિંગ, ફિશિંગ અને ફાર્મિગમાં સતત વ્‍યસત રહે છે.આ ઉપરાત તેઓ ખૂબજ ઓછા ફેટવાળો, નોન -ોસેસ ફાઇબર ખોરાક, કાર્બો હાઇડ્‍ટસ અને થોડાક પ્રમાણમાં માછલી લે છે.

તાસ્‍માને લોકો કોઇ પણ પ્રકારના વ્‍યસન કે ધુ્‌મપાન ધરાવતા નથી. તેઓ શારીરિક રીતે સતત એક્‍ટિવ રહેતા હોવાથી હ્વદય અને ધમનીને સતત કસરત મળતી રહે છે.૨૦૧૭માં આ અંગેનું સંશોધન યુનિર્વસિટી ઓર ન્‍યૂ મેકિસકોના પ્રોફેસર હિલાર્ડ કપ્‍લાને કર્યુ ત્‍યારે ચોંકાવનારી માહિતી મળી હતી. સંશોધન મુજબ સિમેન લોકોનો ૭૨ ટકા ખોરાક કાર્બોહાઇડ્રેટસ તથા રેસાઓથી ભરપૂર હોય છે. તેઓ ખોરાકમાં રાઇસ, કોર્ન, મગફળી અને ફ્રુટસ લે છે.

આ લોકોના ડાયેટમાં ફેટનું પ્રમાણ માત્ર ૧૪ ટકા જેટલું હોય છે. તે પ્રાણીઓને માંસમાંથી જરુરી એવું ૧૪ ટકા જેટલું પ્રોટિન મેળવી લે છે. તેમના શરીરમાં દરરોજ માત્ર ૩૦ ગ્રામ ફેટ ખોરાકમાંથી આવે છે જે તેમની લાઇફ સ્‍ટાઇલના કારણે પચી જાય છે. સંશોધકોએ ૨૦૧૪-૨૦૧૫માં આ સ્‍ટડી માટે આ ઇન્‍ડીજિનિયસ પ્રજાના ૮૫ કરતા પણ વધુ ગામોની મુલાકાત લીધી હતી. નવાઇની વાત તો એ છે કે ૭૫ વર્ષની ઉંમર ધરાવતાને પણ હ્વદય રોગનું જોખમ ૨૫ ટકા કરતા વધારે ન હતું.(૪૦.૮)

(9:46 AM IST)