છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
SBI દ્વારા ૧ મહિનામાં બીજી વખત FD પર વ્યાજદરમાં ઘટાડો
SBI એ તેની ખાસ FD યોજના અમૃત વૃષ્ટિ પરના વ્યાજદરમાં પણ ૨૦ બેસિસ પોઇન્ટનો ઘટાડો કર્યો છે
નવી દિલ્હી તા.૧૭: સ્ટેટ બેંક ઓફ ઈન્ડિયા (SBI) એ ફરી એકવાર તેના ગ્રાહકોને ઝટકો આપ્યો છે. ખરેખર, બેંકે ફરી એકવાર FD પરના વ્યાજમાં ઘટાડો કર્યો છે. તમને જણાવી દઈએ કે SBI એ સામાન્ય લોકો અને વરિષ્ઠ નાગરિકો બંને માટે તેના ફિક્સ્ડ ડિપોઝિટ (FD) વ્યાજ દરોમાં ઘટાડો કર્યો છે, જે ૧૬ મે, ૨૦૨૫ થી અમલમાં આવ્યો છે. બેંકની વેબસાઇટ અનુસાર, SBI એ તમામ મુદત માટે FD દરમાં ૨૦ બેસિસ પોઈન્ટ (bps)નો ઘટાડો કર્યો છે. છેલ્લી વખત ૧૫ એપ્રિલ, ૨૦૨૫ ના રોજ, SBI એ FD પર વ્યાજ ઘટાડ્યું હતું. એટલે કે, છેલ્લા FD દર ઘટાડાના માત્ર એક મહિના પછી, બીજી વખત દરમાં ઘટાડો કરવામાં આવ્યો છે.
ઘટાડા પછી FD પર વ્યાજ દર
SBI દ્વારા તમામ મુદત માટે ૨૦ બેસિસ પોઇન્ટના ઘટાડા પછી, તે FD પર ૩.૩૦% થી ૬.૭૦% વાર્ષિક વ્યાજ દર ઓફર કરશે. (ખાસ એફડી વગર) સામાન્ય નાગરિકો માટે રૂ. ૩ કરોડથી ઓછી રકમ માટે. અગાઉ, SBI ૭ દિવસથી ૧૦ વર્ષ સુધીની મુદતવાળી FD પર વાર્ષિક ૩.૫૦% થી ૬.૯% સુધીનું વ્યાજ ઓફર કરતી હતી.
સ્પેશિયલ એફડીના વ્યાજ દરમાં પણ ઘટાડો
SBI એ તેની ખાસ FD યોજના અમળત વળષ્ટિ પરના વ્યાજ દરમાં પણ ૨૦ બેસિસ પોઇન્ટનો ઘટાડો કર્યો છે. બેંકની વેબસાઇટ અનુસાર, ૅઅમળત વળﾍકિ યોજનાનો સામાન્ય સમયગાળો ૪૪૪ દિવસ છે, જે સામાન્ય લોકો માટે ૭.૦૫% થી સુધારીને ૬.૮૫ કરવામાં આવ્યો છે. બેંક વરિષ્ઠ નાગરિકો માટે ૪% થી ૭.૫૦% (SBI We Care સહિત) સુધીના વ્યાજ દરો ઓફર કરે છે. SBI ની ખાસ FD યોજના પર વરિષ્ઠ નાગરિકોને વાર્ષિક ૭.૩૫% વ્યાજ દર આપવામાં આવે છે. સુધારા પછી, સુપર સિનિયર સિટીઝન (૮૦ વર્ષ અને તેથી વધુ ઉંમરના) ને વાર્ષિક ૭.૪૫% વ્યાજ દર આપવામાં આવે છે.
૭ દિવસથી ૪૫ દિવસ ૩.૫% ૩.૩%
૪૬ દિવસથી ૧૭૯ દિવસ ૫.૫% ૫.૩%
૧૮૦ દિવસથી ૨૧૦ દિવસ ૬.૨૫% ૬.૦૫%
૨૧૧ દિવસથી ૧ વર્ષ કરતાં ઓછા ૬.૫% ૬.૩%
૧ વર્ષથી ૨ વર્ષ કરતાં ઓછા ૬.૭% ૬.૫%
૨ વર્ષથી ૩ વર્ષથી ઓછા ૬.૯% ૬.૭%
૩ વર્ષથી ૫ વર્ષથી ઓછા ૬.૭૫% ૬.૫૫%
૫ વર્ષથી ૧૦ વર્ષ ૬.૫% ૬.૩%
(3:30 PM IST)
