<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 19th May 2025

ભારતની કાર્યવાહીથી બાંગ્‍લાદેશમાં રસ્‍તાઓ પર ટ્રકોની લાઇનો લાગી

બાંગ્‍લાદેશના ભારત વિરોધી પગલાંના જવાબમાં ભારતે નવા આયાત પ્રતિબંધો લાદ્યા : ભારતે કોલકાતા અને ન્‍હાવા શેવા સિવાયના તમામ બંદરોથી બાંગ્‍લાદેશી માલના પ્રવેશ પર પ્રતિબંધ મૂકયો છે, આનાથી બાંગ્‍લાદેશી વેપારીઓને અસર થઈ છે અને ઘણા ટ્રક સરહદ પર ફસાયેલા છે

ઢાકા,તા.૧૯: બાંગ્‍લાદેશની યુનુસ સરકાર એક પછી એક ભારત વિરોધી પગલાં લઈ રહી છે. લાંબા સમયથી વેપાર સહાય માટે ભારત પર નિર્ભર રહેલું બાંગ્‍લાદેશ હવે ભારતીય વ્‍યવસાયોને નિશાન બનાવી રહ્યું છે. જે બાદ, બાંગ્‍લાદેશને પાઠ ભણાવવા માટે, ભારતે ત્‍યાંથી આવતા માલ પર નવા પ્રતિબંધો લાદ્યા હતા, જેના કારણે તેમનો પ્રવેશ ફક્‍ત બે બંદરો, કોલકાતા અને ન્‍હાવા શેવા દ્વારા જ શકય બનશે.ભારતના આ પગલાની અસર રવિવારે જોવા મળી. જ્‍યારે ભારત તરફ માલ લઈ જતા સેંકડો ટ્રકો બાંગ્‍લાદેશના ઘણા બંદરો પર અટવાઈ ગયા અથવા માલ ઉતાર્યા વિના પાછા ફરવું પડ્‍યું. આ ટ્રકો વિવિધ પ્રકારના સામાનથી ભરેલા હતા, ખાસ કરીને કપડાંથી.

વ્‍યવસાય પર ખરાબ

અસર પડી રહી છે

આ અચાનક નિર્ણય દ્વિપક્ષીય વેપારને ગંભીર રીતે વિક્ષેપિત કરી શકે છે, બેનાપોલ સી એન્‍ડ એફ એજન્‍ટ્‍સ એસોસિએશનના જનરલ સેક્રેટરી ઇમદાદુલ હકે જણાવ્‍યું. તમને જણાવી દઈએ કે ગઈકાલે સાંજે બેનાપોલમાં રેડીમેડ કપડા વહન કરતા ઓછામાં ઓછા ૩૬ ટ્રક ફસાયા હતા.

આ પગલાથી આસામ, મેઘાલય, ત્રિપુરા, મિઝોરમ અને પヘમિ બંગાળ દ્વારા બાંગ્‍લાદેશી કપડાં, ખાદ્ય પદાર્થો, પ્‍લાસ્‍ટિકના સામાન અને અન્‍ય વસ્‍તુઓના પ્રવેશ પર પ્રતિબંધ મૂકવામાં આવ્‍યો છે. જેના કારણે નિકાસકારોને ભારે નુકસાન અને લોજિસ્‍ટિક્‍સ સંબંધિત અરાજકતાનો સામનો કરવો પડી રહ્યો છે. કારણ કે તેમના શિપમેન્‍ટ બેનાપોલ, બુરીમારી અને બાંગ્‍લાબંધા જેવા બંદરો પર નિષ્‍ક્રિય પડી રહ્યા છે.

ભારત-બાંગ્‍લાદેશ સરહદ

બાંગ્‍લાદેશ અને ભારત ૪,૦૯૬ કિલોમીટર (૨,૫૪૫ માઇલ) લાંબી આંતરરાષ્‍ટ્રીય સરહદ ધરાવે છે, જે વિશ્વની પાંચમી સૌથી લાંબી જમીન સરહદ છે. બાંગ્‍લાદેશ ભારતના પાંચ રાજ્‍યો સાથે સરહદ વહેંચે છે. તણાવ પહેલા, બાંગ્‍લાદેશી માલ ભારતના ઘણા બંદરો દ્વારા ભારતમાં આવતો હતો, પરંતુ ભારત સરકાર દ્વારા લેવામાં આવેલા નવા પગલાને કારણે, આ પરિવહન ફક્‍ત બે બંદરો, કોલકાતા અને ન્‍હાવા શેવા સુધી મર્યાદિત રહી ગયું છે અને અન્‍ય બંદરો પરથી ટ્રકો પરત કરવામાં આવી રહી છે.

(11:14 AM IST)