છત્તીસગઢઃ એન્કાઉન્ટરમાં ૩૧ નક્સલીઓ ઠારઃ એક સૈનિક શહીદ
છત્તીસગઢના નારાયણપુરમાં સુરક્ષા દળોને મળી મોટી સફળતાઃ એક પર હતું ૧ કરોડનું ઈનામ
રાયપુર, તા.૨૧: છત્તીસગઢના નારાયણપુર જિલ્લામાં આજે સુરક્ષા દળો અને નક્સલીઓ વચ્ચે થયેલી અથડામણમાં સુરક્ષા દળોને મોટી સફળતા મળી. આ અથડામણ દરમિયાન, સુરક્ષા દળોએ બસવ રાજુ સહિત ૩૧ નક્સલીઓને ઠાર માર્યા. બરાવ રાજુ પર એક કરોડ રૂપિયાનું ઈનામ હતું. આ અથડામણ દરમિયાન એક જવાન શહીદ થયો હતો, જ્યારે એક ઘાયલ થયો હતો.
આજે છત્તીસગઢના નારાયણપુરમાં સુરક્ષા દળોને મોટી સફળતા મળી છે. આ એન્કાઉન્ટરમાં ૨૭ નક્સલીઓને સુરક્ષા દળોએ ઠાર માર્યા હતા, જેમાં બસવ રાજુનો પણ સમાવેશ થાય છે. બસવ રાજુને નંબલ્લા કેશવ રાવ, કળષ્ણ, વિનય, ગંગન્ના, બસવરાજ, પ્રકાશ, ગગન્ના, વિજય, કેશવ, બીઆર, ઉમેશ, રાજુ, દારાપુ નરસિંહા રેડ્ડી અને નરસિંહા તરીકે પણ ઓળખવામાં આવતો હતો. તે શ્રીકાકુલમ આંધ્રપ્રદેશ રાજ્યના કોટાબોમ્મલીના જિયાનાપેટનો રહેવાસી હતો. તે ૨૦૧૮થી સીપીઆઈ માઓવાદીનો મહાસચિવ હતો. તે સેન્ટ્રલ કમિટીનો સભ્ય પણ હતો. બસવરાજ એનઆઈએના બે કેસમાં પણ વોન્ટેડ હતો. રાષ્ટ્રીય તપાસ એજન્સી - એનઆઈએ એ ૨૦૧૨ અને ૨૦૧૯માં બસવરાજ વિરુદ્ધ બે FIR નોંધી હતી. ૨૦૧૯ની ઘટનામાં, IED વિસ્ફોટ દ્વારા પાંચ સુરક્ષા કર્મચારીઓના મોત થયા હોવાનો આરોપ મૂકવામાં આવ્યો હતો.
પોલીસ અધિકારીઓએ જણાવ્યું હતું કે અબુઝહમાડ વિસ્તારમાં સવારે સુરક્ષા દળો અને નક્સલીઓ વચ્ચે એન્કાઉન્ટર શરૂ થયું હતું. નારાયણપુર જિલ્લાના પોલીસ અધિક્ષક પ્રભાત કુમારે જણાવ્યું હતું ક જિલ્લાના અબુઝહમાડ વિસ્તારના માડ ડિવિઝનમાં નક્સલીઓની હાજરીની માહિતી પર, જિલ્લા રિઝર્વ ગાર્ડ નારાયણપુર, DRG દાંતેવાડા, DRG બીજાપુર અને DRG કોંડાગાંવની સંયુક્ત ટીમને નક્સલ વિરોધી કામગીરી માટે મોકલવામાં આવી હતી.
છત્તીસગઢના નાયબ મુખ્યમંત્રી વિજય શર્માએ કહ્યું, ‘અમારો એક સૈનિક ઘાયલ થયો છે, તે ખતરાથી બહાર છે. સૈનિકોએ ચમત્કાર કર્યો છે, ૨૬થી વધુ નક્સલીઓ માર્યા ગયા છે. અંતિમ શોધ કામગીરી ચાલુ છે. મોટા નક્સલીઓ માર્યા જવાની શકયતા છે. નારાયણપુર, સુકમા અને બીજાપુર એવા વિસ્તારો છે, DRG સૈનિકોએ ત્યાં હિંમત બતાવી છે. આ એક મોટી સફળતા છે. મળતદેહો અને શષાો વિશે માહિતી ટૂંક સમયમાં આપવામાં આવશે.' તેમણે વધુમાં કહ્યું, ‘આપણે નક્સલવાદીઓને કહેવું પડશે કે કેન્દ્ર અને રાજ્ય સરકાર એક ગોળી પણ ચલાવવા માંગતી નથી.'
નોંધનીય છે કે, કેન્દ્ર સરકારે દેશને નક્સલમુક્ત બનાવવા માટે ૩૧ માર્ચ ૨૦૨૬ની સમયમર્યાદા નક્કી કરી છે. આને ધ્યાનમાં રાખીને, નક્સલવાદીઓ સામે સતત કાર્યવાહી કરવામાં આવી રહી છે. તાજેતરમાં, છત્તીસગઢના બીજાપુર જિલ્લાના કરેગુટ્ટાલુની ટેકરીઓ પર ૨૧ દિવસ સુધી નક્સલવાદીઓ સામે કાર્યવાહી કરવામાં આવી હતી. ૧૪ મે સુધી ચાલેલા ઓપરેશન બાદ, પોલીસે જણાવ્યું હતું કે આ ઓપરેશનથી માઓવાદી સંગઠનને ઘણું નુકસાન થયું છે. વિવિધ એન્કાઉન્ટરમાં ૩૧ નક્સલવાદીઓ માર્યા ગયા હતા. ઉપરાંત, નક્સલવાદીઓના ૧૫૦થી વધુ બંકર તોડી પાડવામાં આવ્યા હતા. આ ઉપરાંત, સ્વદેશી શષાો બનાવતી ફેક્ટરી પણ તોડી પાડવામાં આવી હતી. અહીંથી મોટી માત્રામાં વિસ્ફોટક સામગ્રી મળી આવી હતી. (રર.૧૮)
(2:46 PM IST)
છેલ્લા 8 દિવસમાં સૌથી લોકપ્રિય 
