છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
તિરુપતિ મંદિર પરિસરમાં એક વ્યક્તિ ૧૦ મિનિટ સુધી નમાઝ અદા કરતો રહ્યો
તિરુપતિ મંદિર પરિસરમાં નમાઝ અદા કરવાનો વીડિયો સામે આવ્યા બાદ હોબાળો મચી ગયો છે : ભક્તોએ ઉગ્ર વિરોધ કર્યોઃ આ ઘટના સુરક્ષા પર સવાલ ઉભા કરે છે
તિરુમાલા,તા.૨૩: તિરુમાલામાં એક હિન્દુ મંદિર પાસે હઝરત ટોપી પહેરીને નમાઝ અદા કરવાનો વીડિયો સામે આવ્યા બાદ વિવાદ ઉભો થયો છે. લોકોનું કહેવું છે કે મંદિર પરિસરમાં નમાઝ અદા કરવાથી તેમની ભાવનાઓને ઠેસ પહોંચી છે. તિરુમાલા કલ્યાણ મંડપમ પાસે લોકો આ રીતે નમાઝ અદા કરવાનો વિરોધ કરી રહ્યા છે. વાયરલ વીડિયો સામે આવ્યા બાદ તિરુમાલા તિરુપતિ દેવસ્થાનમ (TTD) એ તપાસ શરૂ કરી છે.
એક પ્રત્યક્ષદર્શીએ દાવો કર્યો છે કે તે વ્યક્તિ લગભગ ૧૦ મિનિટ સુધી આરામથી નમાઝ અદા કરતો રહ્યો. ઘણા લોકોને આ સામે વાંધો હતો પરંતુ કોઈએ વિરોધ કર્યો નહીં. સીસીટીવી ફૂટેજમાં નમાઝ અદા કરનાર વ્યક્તિનો ચહેરો પણ દેખાય છે. આ ઉપરાંત, તેની કારનો ટ્રેક નંબર પણ નોંધવામાં આવ્યો છે. આ દ્વારા તે વ્યક્તિને શોધવાના -યાસો કરવામાં આવી રહ્યા છે.
આ ઘટના બાદ આવા સંવેદનશીલ ધાર્મિક સ્થળની સુરક્ષા પર સવાલો ઉભા થઈ રહ્યા છે. વીડિયો સામે આવ્યા બાદ ભક્તોમાં ભારે ગુસ્સો છે. તેમનું કહેવું છે કે થોડા દિવસો પહેલા પહેલગામમાં આતંકવાદી હુમલો થયો છે. મંદિર પરિસરમાં આ રીતે નમાજ પઢવાથી સુરક્ષા પર સવાલો ઉભા થાય છે. ટીટીડી આ મામલાને ઉકેલવામાં રોકાયેલ છે.
આ ઘટનાને ધાર્મિક ઉશ્કેરણી તરીકે જોવામાં આવી રહી છે. ટીટીડીએ પણ સ્વીકાર્યું છે કે આ મંદિરના નિયમોનું ઉલ્લંઘન છે. તમને જણાવી દઈએ કે પહેલગામ હુમલાને લઈને તિરુપતિના ભક્તોમાં પહેલાથી જ ગુસ્સો છે. ટીટીડીએ કહ્યું છે કે વીડિયોના આધારે વ્યક્તિની ઓળખ કરવામાં આવી રહી છે. ભક્તોની લાગણીઓનું સંપૂર્ણ ધ્યાન રાખવામાં આવશે.(૪૦.૧૭)
(9:36 AM IST)
