નવી દિલ્‍હી, તા.૨૪: મતદાનના દિવસે વ્‍યવસ્‍થા વ્‍યવસ્‍થિત રાખવા અને મતદારોની સુવિધાને ધ્‍યાનમાં રાખીને, ચૂંટણી પંચે શુક્રવારે બે મહત્‍વપૂર્ણ નિર્ણયો લીધા છે. સૌપ્રથમ, મતદારો હવે મતદાન મથકો પર મોબાઇલ ફોન રાખી શકશે.

હવે, મતદાનના દિવસે મતદાન મથકો પર મતદારોને પૂરી પાડવામાં આવતી અન્‍ય સુવિધાઓ સાથે એક મોબાઇલ ડિપોઝિટ સેન્‍ટર પણ ખોલવામાં આવશે. જ્‍યાં મતદારો પોતાના મોબાઇલ ફોન સરળતાથી અને સુરક્ષિત રીતે રાખી શકશે.મુખ્‍ય ચૂંટણી કમિશનર જ્ઞાનેશ કુમારની અધ્‍યક્ષતામાં મળેલી બેઠકમાં પંચે આ નિર્ણય લીધો હતો, જ્‍યારે મતદાન મથકોની અંદર મોબાઇલ ફોન લઈ જવાની મંજૂરી નથી. આવી સ્‍થિતિમાં મતદાન કરવા આવતા મતદારોને ભારે અસુવિધાનો સામનો કરવો પડે છે. તેની ગંભીરતા એ વાત પરથી પણ સમજી શકાય છે કે હાલમાં શહેરી અને ગ્રામીણ વિસ્‍તારોમાં મોટી સંખ્‍યામાં લોકો પાસે મોબાઈલ ફોન છે.

કમિશનની નવી સિસ્‍ટમ હેઠળ, હવે મતદાન મથકના ૧૦૦ મીટરની અંદર સ્‍વિચ ઓફ મોડમાં મોબાઇલ ફોન લઈ જવાની મંજૂરી આપવામાં આવશે.

મતદાન મથકના પ્રવેશદ્વાર પાસે ખૂબ જ સરળ બોક્‍સ અથવા શણની થેલીઓ ઉપલબ્‍ધ કરાવવામાં આવશે, જ્‍યાં મતદારો તેમના મોબાઇલ ફોન જમા કરાવી શકશે. કમિશન દ્વારા લેવામાં આવેલા બીજા નિર્ણયમાં, ઉમેદવારો હવે મતદાન કેન્‍દ્રની ૧૦૦ મીટરની ત્રિજ્‍યાની બહાર તેમના પ્રચાર મથકો સ્‍થાપિત કરી શકશે.ઉપરાંત, જો કોઈ મતદાર પોતાની મતદાન કાપલી લાવવાનું ભૂલી ગયો હોય, તો તેને ઔપચારિક મતદાન કાપલી પણ આપી શકાય છે. આ બેઠકમાં ચૂંટણી કમિશનર ડૉ.સુખબીર સિંહ સંધુ અને ડૉ.વિવેક જોશી પણ હાજર હતા.