તા. ૧૦ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧ મંગળવાર
દિલ્હી-એનસીઆરમાં ગરમીથી રાહત : હિમાચલના ૭ જીલ્લાઓમાં તોફાનનું ઓરેન્જ એલર્ટ
વેસ્ટર્ન ડિર્સ્ટબન્સના કારણે ઉ.ભારતના રાજયોમાં તાપમાન સામાન્યથી પ ડીગ્રી ઓછુ નોંધાયું
નવી દિલ્હી, તા., ૨૪ : રાજધાની દિલ્હીમાં થોડા સમય માટે ગરમીથી થોડી રાહત મળી શકે છે. ભારતીય હવામાન વિભાગના જણાવ્યા અનુસાર, ગરમીથી રાહત મળવાનું ચાલુ રહેશે. શનિવારે રાષ્ટ્રીય રાજધાની ક્ષેત્રમાં હળવો વરસાદ, ગાજવીજ અને વીજળી પડવાની શકયતા છે. તે જ સમયે, મહારાષ્ટ્રમાં ભારે વરસાદની સંભાવના છે.
હિમાચલ પ્રદેશના સાત જિલ્લાઆમાં શુક્રવારથી આગામી કેટલાક દિવસો સુધી તોફાન અને કરા પડવાની આગાહી છે. આ અંગે ઓરેન્જ એલર્ટ જારી કરવામાં આવ્યું છે. બીજી તરફ, પંજાબમાં ગરમીનું મોજું ચાલુ રહેશે. અહીં હવામાન વિભાગે ઘણા જિલ્લાઓમાં ગરમીના મોજાને લઈને ઓરેન્જ એલર્ટ જારી કર્યું છે.
છેલ્લા કેટલાક દિવસોમાં, દિલ્હી અને તેની આસપાસના વિસ્તારોમાં વાવાઝોડા અને હળવો વરસાદ પડી રહ્યો છે. બુધવારે, ભારે વાદળો, વરસાદ અને જોરદાર પવનને કારણે પારો ઘણો નીચે આવ્યો. હાલમાં, શહેરમાં મહત્તમ તાપમાન ૩૪ થી ૩૫ ડિગ્રી સેલ્સિયસની વચ્ચે સ્થિર થયું છે, જે આ મહિનાની શરૂઆતની તુલનામાં નોંધપાત્ર ઘટાડો છે.
હિમાચલમાં કેટલીક જગ્યાએ તોફાન આવ્યું હતું અને બપોરે શિમલા સહિત ઘણી જગ્યાએ વાદળો છવાઈ ગયા હતા. આ બધા વચ્ચે, મહત્તમ તાપમાનમાં બે થી ત્રણ ડિગ્રીનો વધારો નોંધવામાં આવ્યો છે.
આજે શનિવારે હવામાન વિભાગે ચંબા, કાંગડા, કુલ્લુ, મંડી, શિમલા, સોલન અને સિરમૌરના સાત જિલ્લાઓમાં તોફાન અને કરા પડવાની શકયતાને લઈને ઓરેન્જ એલર્ટ જારી કર્યું છે. શુક્રવારે રાજ્યમાં સૌથી વધુ તાપમાન ઉનામાં ૩૮.૮ ડિગ્રી સેલ્સિયસ અને નેરીમાં ૩૮.૫ ડિગ્રી સેલ્સિયસ નોંધાયું હતું.
નિષ્ણાતો માને છે કે આ બધી ઘટનાઓ ગંભીર છે અને આબોહવા પરિવર્તનના સ્પષ્ટ સંકેતો છે. IMD ના ડિરેક્ટર જનરલ ડો. મળત્યુંજય મહાપાત્રા કહે છે કે આ વખતે હવામાનનું અસામાન્ય વર્તન વૈશ્વિક આબોહવા પરિવર્તનનું સીધું પરિણામ છે
(1:12 PM IST)
છેલ્લા 8 દિવસમાં સૌથી લોકપ્રિય 
