પાકિસ્તાન, અફઘાનિસ્તાન અને તાજિકિસ્તાન સરહદ પર ભૂકંપના આંચકા અનુભવાયા હતા. ભૂકંપની તીવ્રતા રિક્ટર સ્કેલ પર 4.5 માપવામાં આવી હતી. ભૂકંપના આંચકાને કારણે લોકો ડરી ગયા હતા અને ઘરની બહાર નીકળી આવ્યા હતા

ભૂકંપનું કેન્દ્રબિંદુ અફઘાનિસ્તાનના હિન્દુકુશ પર્વતીય ક્ષેત્રની નજીક હોવાનું કહેવાય છે. નેશનલ સેન્ટર ફોર સિસ્મોલોજી દ્વારા શેર કરવામાં આવેલી માહિતી અનુસાર, ભૂકંપનું કેન્દ્ર પૃથ્વીની સપાટીથી 120 કિલોમીટર નીચે હતું.

આ પહેલા 19 મેના રોજ અફઘાનિસ્તાનમાં 4.2 ની તીવ્રતાનો ભૂકંપ આવ્યો હતો, જે છેલ્લા ચાર દિવસમાં દેશમાં સતત ચોથો ભૂકંપ હતો. X પરની એક પોસ્ટમાં વિગતો શેર કરતા, NCS એ જણાવ્યું હતું કે ભૂકંપ 08:54 કલાકે (ભારતીય માનક સમય) 140 કિમીની ઊંડાઈએ આવ્યો હતો.

18 મેના રોજ અફઘાનિસ્તાનમાં 4.5 ની તીવ્રતાનો ભૂકંપ આવ્યો. NCS અનુસાર, ભૂકંપ 150 કિલોમીટરની ઊંડાઈએ આવ્યો હતો. આ પહેલા 17 મેના રોજ આ વિસ્તારમાં 4.2 ની તીવ્રતાનો ભૂકંપ આવ્યો હતો.