અમેરિકાના રાષ્ટ્રપતિ ડોનાલ્ડ ટ્રમ્પના દબાણ અને ધમકીઓ છતાં એપલ કંપની ભારતમાં iPhoneનું ઉત્પાદન ચાલુ રાખશે. મીડિયા અહેવાલ અનુસાર, ભારતમાં ઉત્પાદનથી એપલને વિશાળ વ્યાવસાયિક લાભ મળી રહ્યો છે અને કંપનીએ સ્પષ્ટ કર્યું છે કે તે કોઈ પણ પ્રકારના રાજકીય દબાણ હેઠળ નિર્ણય નહીં લે.

એક ટોચના ભારતીય સરકારી અધિકારીએ જણાવ્યું હતું કે, “અમને પૂરો વિશ્વાસ છે કે ટ્રમ્પ વહીવટીતંત્રની ધમકી છતાં, એપલ પોતાનું વ્યાપારલક્ષી દૃષ્ટિકોણ રાખશે અને નફાને મોખરે મૂકે.”

એપલ હાલમાં ભારતમાં ઉત્પાદન પર વધુ ભાર આપી રહી છે અને અહીંની પ્રતિભા તેમજ વ્યવસાય માટે અનુકૂળ પરિબળોને ધ્યાનમાં લઈ રહી છે. હાલમાં લગભગ 15% iPhone ભારતમાં બને છે, જે વાર્ષિક અંદાજે 40 મિલિયન યુનિટના ઉત્પાદનને અનુસરે છે.