પેન્શન ચેરીટી નથી, તે અધિકાર છે... એક દિવસનો પણ વિલંબ ન થવો જોઈએ
કલકાતા હાઈકોર્ટે કહ્યું છે કે પેન્શન કર્મચારીઓનો કાનૂની અધિકાર છે. તે દાન નથી. કોર્ટે હુગલી ચિનસુરાહ નગરપાલિકાને ઠપકો આપ્યો. નગરપાલિકાએ ૧૪૮ કર્મચારીઓના પેન્શનમાં વિલંબ કર્યો હતો : કોર્ટે કહ્યું કે કર્મચારીઓએ વર્ષો સુધી કામ કરીને આ અધિકાર મેળવ્યો છે. પેન્શનમાં વિલંબ ન્યાયની વિરુદ્ધ છે
કોલકાતા,તા.૨૬: કોલકાતા હાઈકોર્ટે એક મહત્વપૂર્ણ વાત કહી છે. કોર્ટે કહ્યું છે કે પેન્શન દાન નથી. તે કર્મચારીઓનો કાનૂની અધિકાર છે. કોર્ટે હુગલી ચિનસુરાહ નગરપાલિકાને ઠપકો આપ્યો. નગરપાલિકાએ ૧૪૮ કર્મચારીઓને પેન્શન આપવામાં વિલંબ માટે ટેકનિકલ ખામીઓને જવાબદાર ઠેરવી હતી. આ બધા કર્મચારીઓ ગ્રુપ ડી તરીકે નિવળત્ત થયા હતા. કોર્ટે કહ્યું કે કર્મચારીઓએ વર્ષો સુધી કામ કરીને આ અધિકાર મેળવ્યો છે.
કોલકાતા હાઈકોર્ટના ન્યાયાધીશ ગૌરાંગ કાંતે કહ્યું, લાંબી અને સતત સેવા પછી કર્મચારીને મળતા પેન્શન અને નિવળત્તિ પછીના અન્ય લાભોમાં એક પણ દિવસનો વિલંબ થવો જોઈએ નહીં. આવા કિસ્સાઓમાં, વિલંબિત નિવળત્ત કર્મચારીઓને ઘણી મુશ્કેલીનો સામનો કરવો પડે છે. તેઓ આ પૈસા પર પોતાની આજીવિકા માટે આધાર રાખે છે.
ન્યાયાધીશે વલણ પર નારાજગી વ્યક્ત કરી
જસ્ટિસ કાંત એક અરજદારના કેસની સુનાવણી કરી રહ્યા હતા. અરજદાર અને અન્ય ૧૪૭ લોકો ૧૯૯૧-૯૨માં નોકરી કરતા હતા. કોલકાતા હાઈકોર્ટે કહ્યું પેન્શનમાં વિલંબ ન્યાયના સિદ્ધાંતોની વિરુદ્ધ છે. આ બધા લોકો અલગ અલગ હોદ્દા પર હતા. જેમ કે કુલી, ડોમ, સફાઈ કામદારો, ટ્રેઇલરમેન અને ઝરુયાલી. બાદમાં આ બધી જગ્યાઓને જોડીને કન્ઝર્વન્સી વર્કરની પોસ્ટ બનાવવામાં આવી. તે બધાને કાયમી કર્મચારી ગણવામાં આવતા હતા અને દર મહિને પેન્શન મળતું હતું. પરંતુ, અરજદાર ૨૦૨૩ માં નિવળત્ત થયા. આ પછી તેમનું પેન્શન અને અન્ય લાભો જાહેર કરવામાં આવ્યા ન હતા.
ભૂલ કયાં થઈ?
૨૦૨૧માં, પﾍમિ બંગાળની નગરપાલિકાઓએ ઈ-પેન્શન પોર્ટલ શરૂ કર્યું. આ માટેનો ડેટા ઓનલાઈન સિસ્ટમમાંથી આવે છે. આ સિસ્ટમનું નામ છે - અર્બન લોકલ બોડીઝ હ્યુમન રિસોર્સ મેનેજમેન્ટ સિસ્ટમ. તે ઓગસ્ટ ૨૦૧૭ માં શરૂ કરવામાં આવ્યું હતું. જૂની જગ્યાઓના નામ બદલ્યા પછી પણ, નિવળત્ત કર્મચારીઓના નામ પોર્ટલ પર નહોતા. સ્થાનિક સંસ્થાઓના નિયામકમંડળે કોર્ટને જણાવ્યું હતું કે નગરપાલિકા બધા ગ્રુપ ડી કર્મચારીઓની માહિતી પૂરી પાડવામાં નિષ્ફળ ગઈ છે. તેથી, પેન્શન અને નિવળત્તિ પછીના લાભો જાહેર કરવામાં આવ્યા નથી.
હાઈકોર્ટે એક અઠવાડિયાનો સમય આપ્યો
હાઈકોર્ટે નગરપાલિકાને એક અઠવાડિયાની અંદર તમામ દસ્તાવેજો ડિરેક્ટોરેટને સબમિટ કરવાનો આદેશ આપ્યો છે. ડિરેક્ટોરેટને બે અઠવાડિયામાં કર્મચારીઓને ફરીથી પોસ્ટ કરવા કહેવામાં આવ્યું છે. જસ્ટિસ કાંતે કહ્યું કે પેન્શન આપવામાં કોઈપણ વિલંબ, ખાસ કરીને જો તે ટેકનિકલ ખામીઓ અથવા વહીવટી ભૂલોને કારણે હોય, તો તે અસ્વીકાર્ય છે અને ન્યાય, સમાનતા અને સુશાસનના સિદ્ધાંતોની વિરુદ્ધ છે.(૪૦.૧૦)
(9:52 AM IST)
છેલ્લા 8 દિવસમાં સૌથી લોકપ્રિય 
