જૂનમાં GST કાઉન્સિલની બેઠક : વીમા પર ટેક્સ ઘટાડવાનો નિર્ણય લેવાશે ?
સ્વાસ્થ્ય અને જીવન વીમા પર GST દર ઘટાડવા અંગે ચર્ચા થશે : હાલમાં આ પર ૧૮% GST લાગે છે, જેને ઘટાડીને ૫% અથવા ૧૨% કરી શકાય છે
નવી દિલ્હી, તા.૨૬: GST કાઉન્સિલની બેઠક આવતા મહિને યોજાવાની છે, જેની તારીખ ટૂંક સમયમાં જાહેર કરવામાં આવશે. આ બેઠક ખાસ છે કારણ કે તે GST દરોને સરળ અને તર્કસંગત બનાવવા માટે મોટા નિર્ણયો લઈ શકે છે. ખાસ કરીને, આરોગ્ય અને જીવન વીમા પર GST દરોમાં ઘટાડો કરવા અંગે ચર્ચા થશે. સૂત્રોના જણાવ્યા અનુસાર હાલમાં આ પર ૧૮% GST લાગે છે, જેને ઘટાડીને ૫% અથવા ૧૨% કરી શકાય છે.
વળદ્ધો માટેના વીમા પર ૫% GSTનો પ્રસ્તાવ છે, જ્યારે અન્ય શ્રેણીઓમાં ૧૨%
નો દર હોઈ શકે છે. જોકે, રાજ્યોની સંમતિ પછી જ અંતિમ નિર્ણય લેવામાં આવશે. મોટાભાગના રાજ્યો દર ઘટાડવાના પક્ષમાં છે, તેથી ઘટાડાની શકયતા વધારે છે.
આ મુદ્દે મંત્રીઓના જૂથ (GoM)નો અહેવાલ તૈયાર છે, જે બેઠકમાં રજૂ કરવામાં આવશે. વીમા ક્ષેત્ર સાથે સંબંધિત તમામ પક્ષોના મંતવ્યો પણ સાંભળવામાં આવ્યા છે. સરકારનું લક્ષ્ય વીમાને સસ્તું અને સુલભ બનાવવાનું છે, ખાસ કરીને કારણ કે કોવિડ પછી આરોગ્ય વીમાની માંગ વધી છે.
વળતર ઉપકર પણ ચર્ચાનો વિષય રહેશે
બેઠકમાં બીજો મહત્વપૂર્ણ મુદ્દો ‘વળતર ઉપકર' હશે. આ ઉપકર હાલમાં લક્ઝરી વસ્તુઓ પર વસૂલવામાં આવે છે અને તેનો ઉપયોગ કોવિડ સમયગાળા દરમિયાન રાજ્યોના GST નુકસાનની ભરપાઈ કરવા અને લોન ચૂકવવા માટે કરવામાં આવી રહ્યો છે. માર્ચ ૨૦૨૬ પછી તેને લંબાવવા પર વિચારણા કરવામાં આવી રહી છે.
નાણા રાજ્યમંત્રી પંકજ ચૌધરીના નેતળત્વ હેઠળના મંત્રીઓના જૂથે સૂચવ્યું છે કે આ ઉપકરનું ભવિષ્ય શું હોવું જોઈએ અને કેન્દ્ર અને રાજ્યો વચ્ચે તેના વિતરણની રીત શું હોવી જોઈએ. હાલમાં, આ ઉપકર રાજ્યોને વળતરનો મુખ્યસ્ત્રોત છે.
શું અસર થશે? : જો વીમા પરનો GST ઓછો કરવામાં આવે તો સામાન્ય લોકોનું પ્રીમિયમ સસ્તું થશે, જેના કારણે વીમા ખરીદનારા લોકોની સંખ્યા વધી શકે છે.
વળતર સેસ વધારવાથી લક્ઝરી વસ્તુઓ મોંઘી થઈ શકે છે, પરંતુ રાજ્યોને આવક મળતી રહેશે.
GST દરોને સરળ બનાવવાથી વેપારીઓને કર માળખાને સમજવામાં સરળતા રહેશે.(૨૩.૩)
(10:15 AM IST)
છેલ્લા 8 દિવસમાં સૌથી લોકપ્રિય 
