નવી દિલ્‍હી, તા.૨૬: ભારતમાં કર્મચારીઓ તેમના વૈશ્વિક સમકક્ષો કરતાં વધુ ઘરેથી કામ કરવાનું ચાલુ રાખે છે. પાંચ વર્ષ પહેલાં કોરોના મહામારી દરમિયાન શરૂ થયેલી આ પરંપરા હજુ પણ ચાલુ છે. કર્મચારીઓ પર સર્વેક્ષણ કરતી બ્રિટિશ સંસ્‍થા WFH રિસર્ચ અને ગ્‍લોબલ સર્વે ઓફ ર્વકિંગ એરેન્‍જમેન્‍ટ્‍સ દ્વારા હાથ ધરવામાં આવેલા સર્વેક્ષણમાં આ દાવો કરવામાં આવ્‍યો છે. સર્વેક્ષણ મુજબ, ભારતમાં કર્મચારીઓ અઠવાડિયામાં સરેરાશ ૧.૬ દિવસ ઘરેથી કામ કરી રહ્યા છે, જ્‍યારે વિશ્વ સરેરાશ અઠવાડિયામાં ૧.૨ દિવસ છે. આ સર્વે નવેમ્‍બર ૨૦૨૪ થી ફેબ્રુઆરી ૨૦૨૫ દરમિયાન ભારત સહિત ૪૦ દેશોમાં ૧૬૦૦૦ થી વધુ કર્મચારીઓ પર કરવામાં આવ્‍યો હતો.

ચીન અને જાપાનમાં વલણ વિપરીત છેઃ સર્વે મુજબ, પૂર્વ એશિયાઈ દેશોમાં વલણ બરાબર વિપરીત છે. અહીં કર્મચારીઓ દરરોજ ઓફિસ આવે છે અને કામ કરે છે. ચીન, જાપાન અને દક્ષિણ કોરિયામાં, મોટાભાગના કર્મચારીઓ હજુ પણ દરરોજ ઓફિસ જાય છે અને આવે છે. ચીનમાં, કર્મચારીઓ અઠવાડિયામાં ફક્‍ત ૦.૬ દિવસ ઘરેથી કામ કરે છે, જાપાનમાં તે અઠવાડિયામાં ૦.૭ દિવસ છે. દક્ષિણ કોરિયામાં, તે અઠવાડિયામાં સૌથી ઓછું ૦.૫ દિવસ છે.

કેટલાક મુખ્‍ય દેશોમાં ઘરેથી કામ કરતા કર્મચારીઓ (૨૦૨૪-૨૫માં)...

દેશ ઘરેથી કામ કરે છે (સરેરાશ અઠવાડિયાના દિવસો)

વિશ્વ સરેરાશ ૧.૨

ઓસ્‍ટ્રેલિયા ૧.૨

કેનેડા ૧.૯

યુકે ૧.૮

ફિનલેન્‍ડ ૧.૭

જર્મની ૧.૬

યુએસએ ૧.૬

ભારત ૧.૬

પોર્ટુગલ ૧.૫

બ્રાઝિલ ૧.૪

સિંગાપોર ૧.૨

જાપાન ૦.૭

ચીન ૦.૬

દક્ષિણ કોરિયા ૦.૫

બાળકો ધરાવતા લોકો ઘરેથી કામ કરવા માંગે છે.

અભ્‍યાસમાં જાણવા મળ્‍યું છે કે વિશ્વના દરેક મુખ્‍ય ક્ષેત્રમાં પુરુષો અનેસ્ત્રીઓ ઘરેથી કામ કરે છે, પરંતુ બાળકો ધરાવતીસ્ત્રીઓમાં ઘરેથી કામ કરવાની ઇચ્‍છા સૌથી વધુ છે. સર્વેક્ષણ કરાયેલા માતાપિતાએ જણાવ્‍યું હતું કે તેઓ હાઇબ્રિડ કામ અપનાવવા માટે વધુ વલણ ધરાવે છે, જ્‍યારે બાળકો વિનાના લોકો સંપૂર્ણપણે ઓફિસ અથવા સંપૂર્ણપણે રિમોટ મોડેલ પસંદ કરે છે. જો કે, યુવાનો શીખવા માટે ઓફિસમાંથી કામ કરવાનું પસંદ કરે છે. ૫૫્રુ મહિલાઓએ કહ્યું કે જો તેમને ઓફિસમાં સંપૂર્ણ રીતે કામ કરવાનું કહેવામાં આવે તો તેઓ નવી નોકરી શોધશે.(૨૩.૨)