લગ્ન પછી પત્નીનું કોઈ બીજા સાથે અફેર હોય તો છૂટાછેડા પછી તેને ભરણપોષણ નહીં મળે
છત્તીસગઢ હાઇકોર્ટે એક મહત્ત્વપૂર્ણ ચુકાદો આપ્યો
રાયપૂર તા.૨૮: છત્તીસગઢ હાઇકોર્ટે ૯ મે ૨૦૨૫ ના રોજ એક મહત્ત્વપૂર્ણ ચુકાદો આપ્યો છે જેમાં કહેવામાં આવ્યું છે કે જો કોઈસ્ત્રી લગ્ન પછી બીજા કોઈ સાથે શારીરિક સંબંધ બનાવે છે અને તેના આધારે તે છૂટાછેડા લે છે, તો તેસ્ત્રી તેના પતિ પાસેથી ભથ્થું કે ભરણપોષણ માંગી શકતી નથી. ભરણપોષણનો તેનો અધિકાર સમાપ્ત થઈ જશે.
અહેવાલ મુજબ, એક પતિએ ફેમિલી કોર્ટમાં સાબિત કર્યું કે તેની પત્નીનો તેના દિયર સાથે શારીરિક સંબંધ હતો અને આ બધું તેમના જ ઘરમાં થઈ રહ્યું હતું. જ્યારે પતિએ તેને રંગે હાથે પકડી લીધી, ત્યારે પત્નીએ તેને ખોટા કેસમાં ફસાવવાની ધમકી આપી. આ પછી, બંનેના છૂટાછેડા થઈ ગયા અને હવે પતિએ કેસ જીતી લીધો છે.
બંનેના લગ્ન ૧૧ જુલાઈ ૨૦૧૯ ના રોજ હિન્દુ રીતરિવાજ સાથે થયા હતા
ત્યારબાદ પત્નીએ હાઈકોર્ટમાં અપીલ કરી અને તેના પતિ પાસેથી ભરણપોષણની માંગણી કરી અને કહ્યું કે તેનો પતિ તેને પૈસા આપતો નથી.
રિપોર્ટ મુજબ, લગ્નના થોડા મહિના પછી પત્નીનું વર્તન બદલાઈ ગયું હતું. તે નાની નાની બાબતોમાં ઝઘડો કરતી હતી. તેના પતિના નાના ભાઈ સાથે ગેરકાયદેસર સંબંધો હતા અને જ્યારે તેના પતિએ વાંધો ઉઠાવ્યો ત્યારે તે લડવા લાગી. તેને ખોટા કેસમાં ફસાવવાની ધમકી પણ આપી. તે પોતાની મરજીથી ઘર છોડી ગઈ અને તેની પાસે કોઈ નક્કર કારણ નહોતું. સૌથી મહત્ત્વની વાત એ છે કે કોર્ટમાં એ સાબિત થયું કે તેના પતિના ભાઈ સાથે શારીરિક સંબંધો હતા અને તેના આધારે ફેમિલી કોર્ટે છૂટાછેડાનો નિર્ણય આપ્યો છે.
પત્નીના વકીલનો દલીલ
રિપોર્ટ મુજબ, ‘‘વ્યભિચાર'' અને કયારેક જાતીય સંબંધો વચ્ચે તફાવત છે. જો પત્નીએ વ્યભિચાર કરતી વખતે ભરણપોષણની માંગણી ન કરી હોય, તો તેને નકારી શકાય નહીં. લગ્નેત્તર સંબંધનો આરોપ હતો જે કોર્ટમાં સાબિત થયો હતો, પરંતુ તેનો અર્થ એ નથી કે હવે તે ભરણપોષણ માંગી શકતી નથી. જ્યારે બધા સાક્ષીઓ પતિના સગા હતા, તેથી કોર્ટે આ મામલાની ફરીથી તપાસ કરવી જોઈતી હતી.
હાઈકોર્ટે નિર્ણયમાં શું કહ્યું?
રિપોર્ટ મુજબ, કોર્ટે કહ્યું કે CrPC ની કલમ ૧૨૫(૪) જણાવે છે કે જો કોઈસ્ત્રી લગ્ન દરમિયાન (વ્યભિચાર) બીજા કોઈ સાથે શારીરિક સંબંધો ધરાવે છે, તો તે તેના પતિ પાસેથી ભરણપોષણ માંગવા માટે હકદાર નથી. જો મહિલા આ કારણોસર છૂટાછેડા લીધેલી હોય, તો પણ આ કાયદો લાગુ રહેશે. છૂટાછેડા લીધા પછી પણ, તેણી ભરણપોષણ માંગવા માટે હકદાર નથી. એટલે કે, જો તેને કોઈ બીજા સાથે સંબંધ હોવાને કારણે છૂટાછેડા થયા હોય, તો તેસ્ત્રી તેના ભૂતપૂર્વ પતિ પાસેથી ભરણપોષણ માંગી શકતી નથી.
તેથી, કોર્ટે પત્નીની અપીલ ફગાવી દીધી અને પતિની અપીલ સ્વીકારવામાં આવી છે
(3:45 PM IST)
છેલ્લા 8 દિવસમાં સૌથી લોકપ્રિય 
