નવી દિલ્‍હી તા.૩: રિઝર્વ બેંક ઓફ ઈન્‍ડિયા (RBI) શુક્રવારે ૫૦ બેસિસ પોઈન્‍ટનો ‘‘જમ્‍બો રેટ કટ'' કરી શકે છે. SBI ના સંશોધન અહેવાલમાં આ કહેવામાં આવ્‍યું છે. અહેવાલ મુજબ, ક્રેડિટ ચક્રને પુનઃસ્‍થાપિત કરવા અને અનિﾍતિતાઓનો સામનો કરવા માટે સેન્‍ટ્રલ બેંક રેપો રેટમાં ૦.૫ ટકાનો મોટો ઘટાડો કરી શકે છે. સેન્‍ટ્રલ બેંકે ફેબ્રુઆરી અને એપ્રિલમાં મુખ્‍ય વ્‍યાજ દર (રેપો રેટ) માં ૨૫ બેસિસ પોઈન્‍ટનો ઘટાડો કર્યો હતો, જેનાથી આ દર ૬ ટકા થયો હતો.

RBIના દરો નક્કી કરતી મોનેટરી પોલિસી કમિટી (MPC) ની બેઠક ૪ જૂનથી શરૂ થવા જઈ રહી છે. MPC શુક્રવારે બેઠકમાં લેવાયેલા નિર્ણયની જાહેરાત કરશે. SBIના અહેવાલમાં જણાવાયું છે કે જૂન પોલિસીમાં અમને ૫૦ બેસિસ પોઈન્‍ટનો દર ઘટાડો થવાની અપેક્ષા છે. તે જ સમયે, ઘણા અર્થશાષાીઓએ સોમવારે આશા વ્‍યક્‍ત કરી છે કે ફુગાવો ૪ ટકાના સરેરાશ લક્ષ્યાંકથી નીચે રહે છે. આવી સ્‍થિતિમાં, RBI સતત ત્રીજી વખત વળદ્ધિને વેગ આપવા માટે ૨૫ બેસિસ પોઈન્‍ટનો ઘટાડો કરી શકે છે.

વ્‍યાજ દર ઘટવા લાગ્‍યા છે

ક્રિસિલની નોંધ મુજબ, બેંક વ્‍યાજ દર ઘટવા લાગ્‍યા છે, જેનાથી સ્‍થાનિક માંગમાં વધારો થવો જોઈએ. બેંક ઓફ બરોડાના મુખ્‍ય અર્થશાષાી મદન સવનવીસના જણાવ્‍યા મુજબ, RBIના વિવિધ પગલાં દ્વારા ફુગાવો સ્‍થિર રહે છે અને પ્રવાહિતાની સ્‍થિતિ પણ આરામદાયક રહે છે. આ સાથે, અમારું માનવું છે કે MPC ૬ જૂને રેપો રેટમાં ૨૫ બેસિસ પોઈન્‍ટનો ઘટાડો કરશે.

મુખ્‍ય મુદ્દાઓ

કારણઃ ક્રેડિટ ચક્રને પુનર્જીવિત કરવા અને અનિﾍતિતાઓનો સામનો કરવા માટે આ ઘટાડો કરવામાં આવશે.

ઘટાડોઃ ફેબ્રુઆરી અને એપ્રિલમાં ૨૫ બેસિસ પોઈન્‍ટનો ઘટાડો થયો હતો.

બેઠકઃ RBI નાણાકીય નીતિ સમિતિની બેઠક ૪ જૂનથી શરૂ થશે. નિર્ણય ૬ જૂને જાહેર કરવામાં આવશે.