એપ્રિલમાં, યુએસ ઉપરાષ્ટ્રપતિ જેડી વાન્સ તેમની પત્ની ઉષા વાન્સ અને બાળકો સાથે ભારતની મુલાકાતે આવ્યા હતા. આ દરમિયાન, વાન્સ પરિવારે વડા પ્રધાન નરેન્દ્રભાઈ  મોદીને પણ મળ્યા હતા. હવે, અમેરિકાના દ્વિતીય મહિલા ઉષા વાન્સે ભારતની મુલાકાતનો પોતાનો અનુભવ શેર કર્યો છે.

ઉષા વાન્સે વાન્સ પરિવારની પ્રધાનમંત્રી મોદી સાથેની મુલાકાતને ખૂબ જ ખાસ ગણાવી. તેમણે કહ્યું કે જ્યારે અમે પીએમ મોદીને મળવા તેમના ઘરે પહોંચ્યા, ત્યારે અમારા બાળકોએ પીએમ મોદીને તેમના દાદા સમજી લીધા. મુલાકાત દરમિયાન, બાળકોએ પીએમ મોદીને ગળે લગાવ્યા અને તેમને ખૂબ પ્રેમ આપ્યો

સોમવારે, ઉષા વાન્સે અમેરિકાની રાજધાની વોશિંગ્ટન ડીસીમાં યુએસ-ઇન્ડિયા સ્ટ્રેટેજિક પાર્ટનરશિપ ફોરમમાં પોતાની ભારત મુલાકાત વિશે ખુલીને વાત કરી. તેમણે કહ્યું કે આ યાત્રા હંમેશા માટે યાદગાર બની ગઈ છે. તેમના બાળકોને પણ ભારત ખૂબ ગમ્યું. આ સાથે, ઉષા વાન્સે તાજમહેલ અને ભારતીય ભોજનની પણ પ્રશંસા કરી.

ભારત પ્રવાસ પર બોલતા, ઉષા વાન્સે કહ્યું-આ અમારા જીવનની સૌથી યાદગાર સફર હતી. મારા બાળકો પહેલાં ક્યારેય ભારત ગયા નહોતા. કોરોના મહામારી દરમિયાન જેડી વાન્સ રાજકારણમાં આવ્યા અને અમને ક્યારેય ભારત જવાનો મોકો મળ્યો નહીં. મારા બાળકો ભારતની વાર્તાઓ સાંભળીને મોટા થયા છે. તેમણે ફક્ત ભારતના સ્વાદિષ્ટ ભોજન, દાદા-દાદી અને મિત્રો સાથેના ખાસ સંબંધો વિશે સાંભળ્યું હતું, પરંતુ ક્યારેય તેનો અનુભવ કર્યો નહીં. ભારત પ્રવાસ દરમિયાન, અમને ઉત્તર ભારતના ઘણા સુંદર સ્થળો જોવાની તક પણ મળીઉષા વાન્સે કહ્યું કે અમે ફરી એકવાર ભારતની મુલાકાત લેવાનું આયોજન કરી રહ્યા છીએ જેથી અમે દેશના વિવિધ ખૂણાઓનું અન્વેષણ કરી શકીએ. ખાસ કરીને, અમે ભારતમાં તે સ્થળોની મુલાકાત લેવા માંગીએ છીએ જ્યાં મારો પરિવાર રહે છે.