મેડિકલ કોલેજમાં ઇન્જેક્શનથી ૬ દર્દીઓના મોત બાદ હોબાળો
મુખ્યમંત્રીએ ૨૪ કલાકમાં તપાસ રિપોર્ટ રજૂ કરવાનો આદેશ આપ્યો છે જેના માટે નિષ્ણાત સમિતિની રચના : સંબંધીઓએ હોસ્પિટલ પર બેદરકારીનો આરોપ લગાવ્યો છે : મેડિકલ સુપરિન્ટેન્ડેન્ટે કહ્યું છે કે ડોકટરો કે નર્સો તરફથી કોઈ બેદરકારી રહી નથી અને બધા દર્દીઓને ગંભીર સ્થિતિમાં દાખલ કરવામાં આવ્યા છે
ભુવનેશ્વર, તા.૫: કોરાપુટ SLN મેડિકલ કોલેજ અને હોસ્પિટલમાં મંગળવાર રાતથી બુધવાર સવાર સુધી ઇન્જેક્શન લીધા બાદ છ દર્દીઓના મોત થયા. ઘટનાની ગંભીરતા જોઈને મુખ્યમંત્રી મોહન ચરણ માઝીએ ૨૪ કલાકમાં તપાસ રિપોર્ટ રજૂ કરવાનો આદેશ આપ્યો છે. આ માટે પાંચ સભ્યોની નિષ્ણાત સમિતિની રચના કરવામાં આવી છે.
ઉલ્લેખનીય છે કે કાલાહાંડી જિલ્લાની ફુલમતી માઝીને કેન્સર થયા બાદ સારવાર માટે મેડિકલ કોલેજ હોસ્પિટલમાં દાખલ કરવામાં આવી હતી, સેમલીગુડાની સુપ્રા માઝી અને રુક્મિણી પેંથિયાને છરીના ઘા વાગ્યા હતા. કોટપડના જગન્નાથ પૂજારીને માર્ગ અકસ્માતમાં ઇજા થઈ હતી અને તેમને મેડિકલ કોલેજમાં દાખલ કરવામાં આવ્યા હતા.
સર્જરી પછી તે બધાને સર્જરી વિભાગના ત્ઘ્શ્માં રાખવામાં આવ્યા હતા. ભગવાન પરિજા અને બાટી ખારાની જનરલ સર્જરી વોર્ડમાં સારવાર ચાલી રહી હતી.
મંગળવારે રાત્રે ૯ વાગ્યાથી બુધવારે સવારે ૧૦ વાગ્યાની વચ્ચે બધા દર્દીઓને ઇન્જેક્શન આપવામાં આવ્યું હતું. ઇન્જેક્શન લીધાના લગભગ બે કલાક પછી, ભગવાન અને બાટી, સુપ્રા, રુક્મિણી, ફુલમતી સાથે મળત્યુ પામ્યા.
આજે વહેલી સવારે જગન્નાથનું મળત્યુ થયું. પરિવારના સભ્યોનો આરોપ છે કે ઇન્જેક્શન લીધાના થોડા કલાકોમાં જ બધા દર્દીઓ મળત્યુ પામ્યા હતા.
તેઓએ હોસ્પિટલ સત્તાવાળાઓ તરફથી બેદરકારી અને ખોટા ઇન્જેક્શનનો આરોપ લગાવ્યો હતો, જેના કારણે દર્દીનું મળત્યુ થયું હતું.
તણાવ વધતાં, પોલીસ ઘટનાસ્થળે પહોંચી અને ચાર દર્દીઓના મળતદેહને બહાર કાઢયા અને તેમને પોસ્ટમોર્ટમ માટે મોકલી દીધા. અન્ય બે દર્દીઓના મળતદેહ પરિવારના સભ્યો લઈ ગયા.
મેડિકલ સુપરિન્ટેન્ડેન્ટ અને ડીન ડૉ. સુશાંત કુમાર સાહુએ જણાવ્યું હતું કે પ્રાથમિક તપાસ બાદ, ડોકટરો કે નર્સો તરફથી કોઈ બેદરકારી જોવા મળી નથી.
દર્દીનો જીવ બચાવવા માટે પ્રોટોકોલ મુજબ ઇન્જેક્શન આપવામાં આવ્યા હતા. દર્દીને આપવામાં આવેલા ઇન્જેક્શનને તપાસ હેઠળ લાવવામાં આવ્યું છે. DMET એ આ મામલાની તપાસ માટે એક નિષ્ણાત ટીમની રચના કરી છે.
તપાસ માટે એક ખાસ સમિતિની રચના કરવામાં આવશે.
આ ટીમમાં કટકની SCB મેડિકલ કોલેજના બે સર્જરી પ્રોફેસરો, બહેરામપુર મેડિકલ કોલેજના એક સર્જરી પ્રોફેસરો, એક મેડિકલ પ્રેક્ટિશનર અને એક એનેસ્થેટિસ્ટનો સમાવેશ થાય છે.
તપાસ ટીમ પોસ્ટમોર્ટમ રિપોર્ટ સાથે પોતાનો રિપોર્ટ રજૂ કરશે ત્યારબાદ ગુનેગારો સામે કાર્યવાહીની ભલામણ કરવામાં આવશે.
નર્સે દર્દીને ડૉક્ટર દ્વારા સૂચવવામાં આવેલ ઇન્જેક્શન આપ્યું. તેમણે કહ્યું કે તમામ દર્દીઓને ગંભીર હાલતમાં હોસ્પિટલમાં દાખલ કરવામાં આવ્યા હતા. જિલ્લા કલેક્ટર વી. કીર્તિ વાસનએ જણાવ્યું હતું કે તપાસ માટે એક ખાસ સમિતિની રચના કરવામાં આવશે.
બીડીઓ દેવાશીષ ગૌર, મ્યુનિસિપલ એક્ઝિકયુટિવ ઓફિસર જ્ઞાનજીત ત્રિપાઠી, પીડી ડુડા તપન કુમાર નાયક અને જિલ્લા પરિષદના મુખ્ય વિકાસ અધિકારી બેનુધર સાબર ઘટનાસ્થળે પહોંચ્યા હતા અને રેડ ક્રોસ ફંડમાંથી મળતકોના પરિવારજનોને ૧૦,૦૦૦ રૂપિયા આપ્યા હતા.
ભૂતપૂર્વ ધારાસભ્ય નિમાઈ સરકાર અને કોંગ્રેસ સચિવ રૂપક તુરુક ઉચ્ચ સ્તરીય તપાસની માંગણી સાથે હોસ્પિટલના મુખ્ય દરવાજા પાસે થોડા સમય માટે ધરણા પર બેઠા હતા. સુપરિન્ટેન્ડેન્ટના આગમન અને ખાતરી બાદ ધરણા સમાપ્ત કરવામાં આવ્યા હતા
(11:20 AM IST)
છેલ્લા 8 દિવસમાં સૌથી લોકપ્રિય 
