નવી દિલ્હી :રિઝર્વ બેંક ઓફ ઈન્ડિયા (RBI) એ ફ્લિપકાર્ટને નોન-બેંકિંગ ફાઇનાન્શિયલ કંપની (NBFC) લાઇસન્સ આપ્યું છે, જેના કારણે Flipkart હવે તેના ઈ-કોમર્સ પ્લેટફોર્મ પર સીધી લોન આપી શકે છે. NBFC લાઇસન્સ મેળવવું ફ્લિપકાર્ટ માટે એક મોટી સિદ્ધિ છે, આનાથી ગ્રાહકોનો કંપની પ્રત્યેનો વિશ્વાસ વધશે.

ફ્લિપકાર્ટ કંપની પહેલાથી જ તેના પ્લેટફોર્મ પર તૃતીય-પક્ષ નાણાકીય સંસ્થાઓ દ્વારા 'બાય નાઉ, પે લેટર' (BNPL) અને EMI જેવી સુવિધાઓ પ્રદાન કરે છે. હવે NBFC લાઇસન્સ સાથે કંપની કોઈપણ બાહ્ય નાણાકીય સંસ્થા પર આધાર રાખ્યા વિના સ્વતંત્ર રીતે લોન આપવાની સુવિધા શરૂ કરી શકે છે. આ પગલું ફ્લિપકાર્ટને એમેઝોન જેવા સ્પર્ધકો સામે વધુ મજબૂત બનાવશે, જે ભારતમાં નાણાકીય સેવાઓમાં પ્રવેશી ચૂક્યું છે.

આ લાઇસન્સ દ્વારા ફ્લિપકાર્ટ તેના ગ્રાહકોને સસ્તી અને સરળ લોન આપી શકશે, જેનાથી ખરીદીનો અનુભવ વધુ સારો થશે. ઉપરાંત ફ્લિપકાર્ટ પર હાજર લાખો નાના અને મધ્યમ વેચાણકર્તાઓનો વ્યવસાય મજબૂત બનશે, તેઓ તેમના વ્યવસાયને વિસ્તૃત કરવા માટે લોન મેળવી શકશે. આ પગલું ખાસ કરીને ગ્રામીણ અને શહેરી વિસ્તારોમાં નાના વ્યવસાયો માટે ફાયદાકારક બની શકે છે.