કોઈને મારવા માટે આપેલા કોન્ટ્રાક્ટને ‘સોપારી' કેમ કહેવામાં આવે છે?
મુંબઇ તા.૧૦: પોતાના પતિ રાજા રઘુવંશી સાથે હનીમૂન મનાવવા મેઘાલય ગયેલી સોનમ રઘુવંશી તેના પતિની હત્યારી હોવાનો આરોપ લાગી રહ્યો છે. પ્રથમિક માહિતીમાં જાણવા મળી રહ્યું છે કે, તેણે કોન્ટ્રાક્ટ આપીને તેના પતિની હત્યા કરાવી હતી. જ્યારે મેઘાલયના DGPએ આ ચોંકાવનારો ખુલાસો કર્યો, ત્યારે બધા ચોંકી ગયા હતા. સોનમની ઉત્તર પ્રદેશના ગાઝીપુરથી ધરપકડ કરવામાં આવી છે. અન્ય ત્રણ હુમલાખોરોની પણ ધરપકડ કરવામાં આવી છે. આ ગુનામાં સંડોવાયેલા કેટલાક વધુ લોકોને પકડવા માટે મધ્યપ્રદેશમાં તપાસ ચલાવવામાં આવી રહી છે.
તમે ઘણીવાર સાંભળ્યું હશે કે, કોઈને મારવા માટે સોપારી આપવામાં આવે છે. પરંતુ શું તમે જાણો છો કે, સોપારી શબ્દ ગુના સાથે કેવી રીતે જોડાયો? આ નામ જેટલું વિચિત્ર લાગે છે, તેની કહાની પણ એટલી જ રસપ્રદ છે.
તમે બધી હિન્દી ફિલ્મોમાં એ દ્રશ્ય જોયું હશે કે, કોઈની હત્યા કરવા માટે ખૂની કોઈની સોપારી લે છે. સોપારીનો અર્થ એ થાય છે કે, તે કોઈની હત્યા માટે પૈસા લે છે. મુંબઈની ભાષામાં અથવા અંડરવર્લ્ડની ભાષામાં સોપારી શબ્દ ખૂબ જ લોકપ્રિય છે. આવી સ્થિતિમાં, મનમાં આ પ્રશ્ન થવો સ્વાભાવિક છે કે, સોપારી શબ્દ ફક્ત ખોટા કાર્યો માટે જ કેમ વપરાય છે? જણાવી દઈએ કે, જ્યારે કોઈ વાત પાક્કી થઈ જાય છે અને તેના માટે ટોકન પૈસા લેવામાં આવે છે, ત્યારે પણ સોપારી શબ્દનો ઉપયોગ થાય છે. જણાવી દઈએ કે, તેને પણ સોપારી કહેવામાં આવે છે.
પ્રખ્યાત લેખક એસ. હુસૈન ઝૈદીના પુસ્તક ડોંગરી ટુ દુબઈ સિક્સ ડિકેડ્સ ઓફ ધ મુંબઈ માફિયા માં સોપારી વિશે વિગતવાર લખ્યું છે. જો આ પુસ્તક પર વિશ્વાસ કરવામાં આવે તો, આ શબ્દનો ઉપયોગ મહેમી જાતિના મુખ્ય ભીમની પરંપરાને કારણે શરૂ થયો હતો. ભીમને જ્યારે પણ કોઈ મુશ્કેલ કાર્યનો સામનો કરવો પડતો, ત્યારે તે યોદ્ધાઓની સભા બોલાવતો અને એક થાળી સોપારી અને પાનથી ભરેલી રહેતી હતી. જ્યારે કોઈ સોપારી કે પાન ઉપાડતું, ત્યારે તેને તે મુશ્કેલ કાર્ય કરવું પડતું. આ દર્શાવે છે કે, પાન વગેરે આપીને કરાર કે, સોદા નક્કી કરવામાં આવતા હતા. ત્યારથી, સોપારીની આ પરંપરા ચાલી આવી છે.
જ્યારે પણ મરાઠી ભાષામાં કોઈ સોદો નક્કી થાય છે, ત્યારે કહેવામાં આવે છે કે કામચી સોપારી આલી આહેઁ. આનો અર્થ એ થાય કે, આપણને તે કામનો કોન્ટ્રાક્ટ મળ્યો છે. તેથી જ અન્ય કામોમાં સોપારીનો ઉપયોગ થાય છે. ફિલ્મોમાં, સોપારીનો ટ્રેન્ડ મહારાષ્ટ્રને કારણે શરૂ થયો છે. જ્યારથી અંડરવર્લ્ડ ફિલ્મોમાં સોપારી શબ્દનો ઉપયોગ કરતા જોવા મળ્યા છે, ત્યારથી તેને હત્યા સાથે જોડવામાં આવે છે.
(11:35 AM IST)
છેલ્લા 8 દિવસમાં સૌથી લોકપ્રિય 
