નવી દિલ્હી :પ્યુ રિસર્ચ સેન્ટરના તાજેતરના અહેવાલ મુજબ, ઇસ્લામ ફક્ત વિશ્વનો બીજો સૌથી મોટો ધર્મ જ નથી બન્યો, પરંતુ તે સૌથી ઝડપથી વિકસતો ધાર્મિક સમુદાય પણ બની ગયો છે. અહેવાલ મુજબ, 2010 માં મુસ્લિમ વસ્તી 170 કરોડ હતી, જે 2020 સુધીમાં વધીને 200 કરોડ થઈ ગઈ. એટલે કે, ફક્ત 10 વર્ષમાં 30 કરોડનો વધારો નોંધવામાં આવ્યો.  

   અહેવાલમાં કહેવામાં આવ્યું છે કે 2010 થી 2020 ની વચ્ચે, મુસ્લિમ વસ્તીમાં 21% નો વધારો થયો છે, જ્યારે આ સમયગાળા દરમિયાન અન્ય તમામ ધર્મોનો સરેરાશ વિકાસ દર માત્ર 10% હતો. આ આંકડા દર્શાવે છે કે ઇસ્લામ વિશ્વભરમાં ઝડપથી ફેલાઈ રહ્યો છે.

    અહેવાલમાં એ પણ ખુલાસો થયો છે કે આ સમયગાળા દરમિયાન હિન્દુઓની વૈશ્વિક વસ્તીમાં થોડો ઘટાડો થયો હતો. ૨૦૧૦ માં, વૈશ્વિક વસ્તીમાં હિન્દુ ધર્મનો હિસ્સો ૧૫% હતો, જે ૨૦૨૦ સુધીમાં ઘટીને ૧૪.૯% થઈ ગયો.

આજે, વિશ્વની કુલ વસ્તીમાં દરેક ચોથો વ્યક્તિ મુસ્લિમ છે. એટલે કે, મુસ્લિમ સમુદાયની સંખ્યા એટલી વધી ગઈ છે કે તેની અસર ભવિષ્યમાં વિશ્વની વસ્તી રચના, સંસ્કૃતિ અને રાજકારણ પર ઊંડી અસર કરી શકે છે.