નવી દિલ્હી : NDA સરકારના 11 વર્ષ પૂર્ણ થવા પર, વડા પ્રધાન નરેન્દ્રભાઈ  મોદીએ નમો એપ પર એક ખાસ સર્વે 'જન મન સર્વે' શરૂ કર્યો છે. સર્વે શરૂ કર્યાના માત્ર 26 કલાકમાં જ લોકોએ તેને જબરદસ્ત પ્રતિસાદ આપ્યો. દેશભરમાંથી પાંચ લાખથી વધુ લોકોએ પોતાના પ્રતિભાવો આપ્યા. ગઈકાલે, 9 જૂનના રોજ, પીએમ મોદીએ દરેકને આ સર્વેમાં ભાગ લેવા વિનંતી કરી હતી. તેમણે નમો એપ પર સર્વેની લિંક શેર કરી હતી.

પ્રધાનમંત્રી મોદીએ ટ્વીટ કર્યું હતું કે, "તમારા મંતવ્યો સૌથી મહત્વપૂર્ણ છે. નમો એપ પરના આ સર્વેમાં ભાગ લો અને અમને જણાવો કે તમે છેલ્લા ૧૧ વર્ષમાં ભારતની વિકાસ યાત્રાને કેવી રીતે જુઓ છો."

મોદી સરકાર આ જન મન સર્વે દ્વારા લોકોના મંતવ્યો અને સૂચનો જાણવા માંગે છે. સર્વેમાં ભાગ લેવા માટે, લોકો નમો એપ ડાઉનલોડ કરી શકે છે. તેઓ 1800 20 90 920 પર મિસ્ડ કોલ પણ કરી શકે છે. આ ઉપરાંત, કોઈ પણ વ્યક્તિ નમો પોર્ટલની મુલાકાત લઈને સર્વેમાં ભાગ લઈ શકે છે અને તેમનો ફોન નંબર દાખલ કરીને અથવા QR કોડ સ્કેન કરીને લિંક ડાઉનલોડ કરી શકે છે.

સૌથી મોટી વાત એ છે કે સર્વે શરૂ થયાના 26 કલાકની અંદર, લોકોએ તેને જબરદસ્ત પ્રતિસાદ આપ્યો. પાંચ લાખથી વધુ લોકોએ પોતાના પ્રતિભાવો આપ્યા. જે રાજ્યોમાંથી સૌથી વધુ પ્રતિભાવો આવ્યા તેમાં ઉત્તર પ્રદેશ પ્રથમ ક્રમે છે. મહારાષ્ટ્ર બીજા ક્રમે, તમિલનાડુ ત્રીજા ક્રમે, ગુજરાત ચોથા ક્રમે અને હરિયાણા પાંચમા ક્રમે છે. 

આ રાજ્યોમાંથી પ્રતિભાવો આવ્યા

ઉત્તર પ્રદેશ – 1,41,150

મહારાષ્ટ્ર- 65,000

તમિલનાડુ – 43,590

ગુજરાત – 43,590

હરિયાણા – 29,985

મોદી સરકારે 9 જૂને 11 વર્ષ પૂર્ણ કર્યા. નરેન્દ્ર મોદીએ 26 મે 2014ના રોજ પહેલી વાર પ્રધાનમંત્રી તરીકે શપથ લીધા. તેમણે 30 મે 2019ના રોજ બીજી વાર અને 9 જૂન 2024ના રોજ ત્રીજી વાર પ્રધાનમંત્રી તરીકે શપથ લીધા.