નવી દિલ્‍હી તા.૧૨: રોકાણકારોને ગેરમાર્ગે દોરીને બિન-નોંધાયેલ સંસ્‍થાઓ દ્વારા કરવામાં આવતી છેતરપિંડીની પ્રવળત્તિઓને રોકવા માટે SEBI એ નવી UPI ચુકવણી સિસ્‍ટમ ફરજિયાત બનાવી છે. આ ચુકવણીની એક નવી અને સુરક્ષિત પદ્ધતિ હશે. આમાં, SEBI રજિસ્‍ટર્ડ બ્રોકરોને રોકાણકારો પાસેથી ચુકવણી પ્રાપ્ત કરવા માટે એક ખાસ UPI ID જારી કરવામાં આવશે. નવી સિસ્‍ટમની મદદથી, રોકાણકારો વિશ્વસનીય સંસ્‍થાઓ, રજિસ્‍ટર્ડ મધ્‍યસ્‍થીઓને ઓળખી શકશે.

નવી UPI ચુકવણી સિસ્‍ટમ ૧ ઓક્‍ટોબર, ૨૦૨૫ થી અમલમાં આવશે. SEBI ના વડા તુહિન કાંત પાંડેએ જણાવ્‍યું હતું કે યુનિફાઇડ પેમેન્‍ટ ઇન્‍ટરફેસ (UPI) ૧ ઓક્‍ટોબર, ૨૦૨૫ થી લાઇવ થશે. પાંડેએ કહ્યું, આ નવીન પદ્ધતિ ચકાસાયેલ અને સુરક્ષિત ચુકવણી ચેનલ પ્રદાન કરીને સિકયોરિટીઝ માર્કેટમાં નાણાકીય વ્‍યવહારોની સુરક્ષાને મજબૂત બનાવશે.

રોકાણકારોને યોગ્‍ય બ્રોકરનું સરનામું ખબર પડશે

SEBI ચેકમાં, રોકાણકારોને QR કોડ સ્‍કેન કરીને અથવા UPI UPIID મેન્‍યુઅલી દાખલ કરીને અથવા રજિસ્‍ટર્ડ બ્રોકરનો એકાઉન્‍ટ નંબર અને IFSC કોડ દાખલ કરીને તે સાચો છે કે નહીં તે જાણવાની સુવિધા મળશે.

એટલે કે, રોકાણકારો જાણી શકશે કે તેઓ કોઈ છેતરપિંડીને નહીં, પણ યોગ્‍ય અને રજિસ્‍ટર્ડ કંપનીને પૈસા મોકલી રહ્યા છે. જ્‍યારે રોકાણકારો UPI દ્વારા રજિસ્‍ટર્ડ કંપનીને પૈસા મોકલે છે, ત્‍યારે લીલો ‘‘થમ્‍બ્‍સ અપ ચિﾎ દેખાશે. જો આ ચિﾎ દેખાતું નથી, તો સમજો કે તે કંપની કદાચ સાચી નથી.''

SEBI એ UPI દ્વારા મૂડી બજારના વ્‍યવહારો કરવા માટે દરરોજ ૫ લાખ રૂપિયા સુધીની ઉપલી મર્યાદા નક્કી કરી છે, જેની NPCI સાથે પરામર્શ કરીને સમયાંતરે સમીક્ષા કરી શકાય છે. SEBI એ વર્ષ ૨૦૧૯ માં પહેલીવાર બજારમાં ચુકવણીની પદ્ધતિ તરીકે UPI નો ઉપયોગ શરૂ કર્યો. હાલમાં, UPI દ્વારા શેરબજારમાં એક દિવસમાં ૨ લાખ રૂપિયા સુધીની ચુકવણી કરી શકાય છે.

જિયો બ્‍લેકરોક ઇન્‍વેસ્‍ટમેન્‍ટ એડવાઇઝર્સ પ્રાઇવેટ લિમિટેડને ભારતમાં રોકાણ સલાહકાર તરીકે કામ શરૂ કરવા માટે સેબી અને બીએસઈ લિમિટેડ તરફથી નિયમનકારી મંજૂરી મળી છે. તે જિયો ફાઇનાન્‍શિયલ સર્વિસીસ લિમિટેડ (JFSL) અને બ્‍લેકરોક ઇન્‍ક. (બ્‍લેકરોક)નું ૫૦:૫૦ સંયુક્‍ત સાહસ છે. અગાઉ, સેબીએ ૨૭ મે, ૨૦૨૫ ના રોજ ભારતમાં તેના મ્‍યુચ્‍યુઅલ ફંડ વ્‍યવસાય માટે રોકાણ મેનેજર તરીકે કામગીરી શરૂ કરવા માટે જિયો બ્‍લેકરોક એસેટ મેનેજમેન્‍ટ પ્રાઇવેટ લિમિટેડને મંજૂરી આપી હતી.(૩૮.૧૨)