નવી દિલ્‍હી, તા.૧૨: ભારતભરમાં કાર ડીલરશીપ રૂ. ૫૧,૦૦૦-૫૨,૦૦૦ કરોડના અભૂતપૂર્વ ઇન્‍વેન્‍ટરીના ઢગલા સાથે ઝઝૂમી રહી છે, જે મૂલ્‍યની દ્રષ્ટિએ અત્‍યાર સુધીનો સૌથી વધુ છે કારણ કે ઓટોમેકર્સ રિટેલ માંગ ઓછી હોવા છતાં બજારમાં વાહનોનું વેચાણ ચાલુ રાખે છે.

મે મહિના સુધીમાં વોલ્‍યુમ દ્વારા ઇન્‍વેન્‍ટરીનું સ્‍તર ૩૪-૩૮ દિવસ (લગભગ ૪.૪ લાખ યુનિટ) હતું, જે ગયા વર્ષે દિવાળીના શિખર દરમિયાન જોવા મળેલા ૪૦-૪૫ દિવસના બિલ્‍ડઅપથી થોડું ઓછું છે, આ માટે વાહનોના ભાવમાં વધારો અને કેટલાક મહિનાઓમાં સંચિત સ્‍ટોક બિલ્‍ડ-અપ બંને જવાબદાર છે, એમ ETએ ઉદ્યોગના અધિકારીઓને ટાંકીને જણાવ્‍યું હતું. મે મહિનામાં કુલ ૩,૦૨,૨૧૪ પેસેન્‍જર વાહનોનું વેચાણ થયું હતું, જે વાર્ષિક ધોરણે ૩.૧૪ ટકા ઓછું હતું. આ આઠ મહિનામાં સૌથી ધીમી વળદ્ધિ દર અને ૨૦૨૫માં અત્‍યાર સુધીનો સૌથી નીચો માસિક વોલ્‍યુમ દર્શાવે છે.