ઉધ્ધવને વધુ એક ઝટકો ? રાજ ઠાકરેની ફડણવીસ સાથે બંધ બારણે બેઠક
શું રાજ ઠાકરે ભાજપ અને શિંદે જૂથમાં જોડાશે ? રાજકીય હલચલ
મુંબઇ, તા.૧૨: મહારાષ્ટ્રના રાજકારણમાં મોટી હલચલ જોવા મળી છે. જ્યારે મુંબઈની એક ફાઇવ સ્ટાર હોટલમાં મહારાષ્ટ્ર નવનિર્માણ સેના (મનસે) ના વડા રાજ ઠાકરે અને નાયબ મુખ્યમંત્રી દેવેન્દ્ર ફડણવીસ વચ્ચે બંધ બારણે બેઠક યોજાઈ. આ બેઠક લગભગ એક કલાક ચાલી હતી અને કોઈ પણ પક્ષે અગાઉથી કોઈ માહિતી આપી ન હતી. આ બેઠક એવા સમયે થઈ છે જ્યારે શિવસેના (ઉદ્ધવ ઠાકરે જૂથ) સતત મનસે સાથે ગઠબંધનની શકયતાઓને વેગ આપી રહી હતી અને ‘મરાઠી માનુષ' ની એકતા માટે અપીલ કરી રહી હતી. તે જ સમયે, મનસેનું મૌન અને હવે ભાજપના નેતાઓ સાથેની મુલાકાત સૂચવે છે કે રાજ ઠાકરે ઉદ્ધવ ઠાકરેને બદલે ભાજપ અને શિંદે જૂથમાં જોડાવાનું આયોજન કરી રહ્યા છે.
તમને જણાવી દઈએ કે ૧૪ જૂને રાજ ઠાકરેનો જન્મદિવસ છે અને ૧૩ જૂને આદિત્ય ઠાકરેનો જન્મદિવસ છે. શિવસેનાના કાર્યકરો આ તારીખોને પ્રતીકાત્મક એકતા દિવસ તરીકે રજૂ કરી રહ્યા હતા, પરંતુ આ અચાનક મળેલી મુલાકાત તેમની યોજનાઓને બગાડી શકે છે.
છેલ્લા કેટલાક મહિનાઓથી, ઉદ્ધવ ઠાકરે, તેમના પુત્ર આદિત્ય ઠાકરે અને સંજય રાઉત સહિત શિવસેના (UBT)ના નેતાઓ સતત રાજ ઠાકરેને જાહેર અપીલ કરી રહ્યા હતા. જૂના પરિવારના ફોટા, સોશિયલ મીડિયા પોસ્ટ્સ અને ભાવનાત્મક લેખો દ્વારા મરાઠી ઓળખની એકતાનો સંદેશ આપવામાં આવી રહ્યો હતો. પરંતુ આ અંગે MNS તરફથી કોઈ ઔપચારિક પ્રતિભાવ મળ્યો ન હતો. તાજેતરમાં, રાજના પુત્ર અમિત ઠાકરેએ પણ સ્પષ્ટતા કરી હતી કે ગઠબંધન મીડિયા બાઈટ દ્વારા કરવામાં આવતું નથી. ભાજપ ઉપરાંત, રાજ ઠાકરેને શિવસેના (શિંદે જૂથ) તરફથી પણ ગઠબંધનનો પ્રસ્તાવ મળ્યો છે. શિવસેના (શિંદે જૂથ)ના મંત્રી અને નેતા સંજય શિરસાતે ગુરુવારે કહ્યું, અમે અગાઉ વિધાનસભા ચૂંટણી દરમિયાન ગઠબંધનનો પ્રસ્તાવ મૂકયો હતો. આજે પણ અમે રાજ સાહેબને અમારી સાથે જોડાવા માટે આમંત્રણ આપીએ છીએ.ૅ
તમને જણાવી દઈએ કે બળહન્મુંબઈ મ્યુનિસિપલ કોર્પોરેશન (BMC)ની ચૂંટણીઓ નજીકના ભવિષ્યમાં થવાની છે. ભાજપ અને મનસેના ભેગા થવાથી મરાઠી અને હિન્દુત્વના મતો વહેંચી શકાય છે. ભૂતપૂર્વ મેયર અને શિવસેના (UBT) ના નેતા કિશોરી પેડણેકરે કહ્યું, આ અંગે અત્યારે કોઈ ટિપ્પણી કરવી ખૂબ જ વહેલું ગણાશે. બંને ભાઈઓએ અગાઉ મતભેદોને ગૌણ ગણાવ્યા હતા. ચાલો જોઈએ આગળ શું થાય છે.
(3:52 PM IST)
છેલ્લા 8 દિવસમાં સૌથી લોકપ્રિય 
