નવી દિલ્હી, 14 જૂન 2025: મેડિકલ પ્રવેશ માટેની રાષ્ટ્રીય કક્ષાની સૌથી મોટી પરીક્ષા, NEET UG-2025નું પરિણામ નેશનલ ટેસ્ટિંગ એજન્સી (NTA) દ્વારા સત્તાવાર રીતે જાહેર કરી દેવામાં આવ્યું છે. પરિણામોની સાથે, દેશભરના ટોપર્સની યાદી અને વિવિધ કેટેગરી માટેના કટઓફ માર્ક્સ પણ NTAની સત્તાવાર વેબસાઇટ neet.nta.nic.in પર ઉપલબ્ધ કરાવવામાં આવ્યા છે. આ વર્ષે ખાસ વાત એ છે કે, તમામ કેટેગરી માટે NEET UG ના કટઓફમાં ઘટાડો જોવા મળ્યો છે. આ વર્ષે લગભગ ૨૦.૮ લાખ વિદ્યાર્થીઓએ NEET UG ની પરીક્ષા આપી હતી.
કેટેગરી મુજબ કટઓફ માર્ક્સ: વર્ષ ૨૦૨૫ અને ૨૦૨૪ ની સરખામણી
NTA એ NEET UG 2025 માટે તમામ કેટેગરી માટે કટઓફ સ્કોર જાહેર કર્યા છે, જેમાં ગયા વર્ષની તુલનામાં ઘટાડો જોવા મળે છે:
 * જનરલ (UR)/EWS કેટેગરીના ઉમેદવારો માટે વર્ષ ૨૦૨૫ નો કટઓફ સ્કોર ૬૮૬ થી ૧૪૪ ની વચ્ચે નક્કી કરવામાં આવ્યો છે, જે વર્ષ ૨૦૨૪ માં ૭૨૦ થી ૧૬૨ હતો.
 * OBC, SC અને ST કેટેગરીઓ માટે NEET UG-2025નો કટઓફ સ્કોર ૧૪૩ થી ૧૧૩ ની વચ્ચે નક્કી કરવામાં આવ્યો છે. ગયા વર્ષે આ કેટેગરીઝ માટે કટઓફ ૧૬૧ થી ૧૨૭ હતો.
 * જનરલ/EWS અને PwBD (દિવ્યાંગ) કેટેગરીના ઉમેદવારો માટે આ કટઓફ ૧૪૩ થી ૧૨૭ ની વચ્ચે હતો, જે વર્ષ ૨૦૨૪ માં ૧૬૧ થી ૧૪૪ હતો.
 * OBC, SC અને ST PwBD (દિવ્યાંગ) કેટેગરી માટે વર્ષ ૨૦૨૫ નો કટઓફ ૧૨૬ થી ૧૧૩ ની વચ્ચે રહ્યો છે, જ્યારે વર્ષ ૨૦૨૪ માં તે ૧૪૩ થી ૧૨૭ હતો.
પરીક્ષામાં ટોપર્સ અને તેમની સિદ્ધિ
આ વર્ષે NEET UG 2025 માં રાજસ્થાનના મહેશકુમારે ઓલ ઇન્ડિયા ફર્સ્ટ રેન્ક મેળવીને ટોપર બનવાનું ગૌરવ પ્રાપ્ત કર્યું છે. જ્યારે મધ્યપ્રદેશના ઉત્કર્ષ અવધિયાએ બીજો ક્રમ મેળવીને શાનદાર પ્રદર્શન કર્યું છે અને મહારાષ્ટ્રના કૃષાંગ જોશીએ ત્રીજો ક્રમ મેળવ્યો છે.
છોકરીઓની વાત કરીએ તો, અવિકા અગ્રવાલે શાનદાર પ્રદર્શન કરતા સૌથી વધુ ગુણ મેળવીને દેશમાં ટોચનું સ્થાન મેળવ્યું છે અને ટોપ ૧૦ ની યાદીમાં એકમાત્ર છોકરી તરીકે સ્થાન જમાવ્યું છે.
પરીક્ષામાં વિદ્યાર્થીઓની સંખ્યા અને સફળતાના આંકડા
નેશનલ ટેસ્ટિંગ એજન્સી (NTA) દ્વારા જાહેર કરાયેલા આંકડા મુજબ, NEET UG પરીક્ષા માટે કુલ ૨૨,૭૬,૦૬૯ ઉમેદવારોએ રજીસ્ટ્રેશન કરાવ્યું હતું. તેમાંથી કુલ ૨૨,૦૯,૩૧૮ ઉમેદવારોએ NEET UG પરીક્ષામાં ભાગ લીધો હતો. આ પરીક્ષામાં ઉપસ્થિત થયેલા ૨૨,૦૯,૩૧૮ માંથી કુલ ૧૨,૩૬,૫૩૧ વિદ્યાર્થીઓ સફળ (ઉત્તીર્ણ) થયા છે.
રાષ્ટ્રીયતાના આધારે ઉત્તીર્ણ ઉમેદવારોની વાત કરીએ તો, ૧૨,૩૪,૯૯૧ ભારતીય, ૫૨૯ વિદેશી નાગરિક, ૪૦૫ એનઆરઆઈ અને ૬૦૬ ઓસીઆઈ ઉમેદવારો સફળ થયા છે.
માર્ક્સ રેન્જ મુજબ ઉમેદવારોની સંખ્યા
NEET UG 2025 માં ઉમેદવારોની ગુણ શ્રેણી મુજબ સંખ્યા પણ જાહેર કરવામાં આવી છે:
 * ૧૪૪-૨૦૦ ગુણની રેન્જમાં ૩,૦૩,૦૪૦ ઉમેદવારો છે.
 * ૨૦૧-૨૫૦ ગુણ મેળવનારા ઉમેદવારોની સંખ્યા ૧,૯૮,૩૪૬ છે.
 * ૨૫૧-૩૦૦ ગુણની રેન્જમાં ૧,૫૭,૯૫૨ ઉમેદવારોનો સમાવેશ થાય છે.
 * ૩૦૧-૩૫૦ ગુણ મેળવનારા ઉમેદવારો ૧,૨૬,૯૩૫ છે.
 * ૩૫૧-૪૦૦ ગુણની રેન્જમાં ૧,૦૫,૫૭૮ ઉમેદવારો છે.
 * ૪૦૧-૪૫૦ ગુણ મેળવનારા ઉમેદવારો ૮૮,૨૩૯ છે.
 * ૪૫૧-૫૦૦ ગુણની રેન્જમાં ૬૯,૫૦૩ ઉમેદવારોનો સમાવેશ થાય છે.
 * ૫૦૧-૫૫૦ ગુણ મેળવનારા ઉમેદવારો ૩૯,૫૨૧ છે.
 * ૫૫૧-૬૦૦ ગુણની રેન્જમાં ૧૦,૬૫૮ ઉમેદવારો છે.
 * ૬૦૧-૬૫૦ ગુણ મેળવનારા ઉમેદવારો ૧,૨૫૯ છે.
 * જ્યારે ૬૫૧-૬૮૬ ગુણની ટોચની રેન્જમાં ૭૩ ઉમેદવારોનો સમાવેશ થાય છે.
NEET UG 2025: પરિણામ તપાસવા માટેના સરળ સ્ટેપ્સ
ઉમેદવારો પોતાનો સ્કોરકાર્ડ નીચે મુજબના સરળ પગલાંઓ અનુસરીને ચકાસી શકે છે:
 * સૌ પ્રથમ, ઉમેદવારોએ સત્તાવાર વેબસાઇટ neet.nta.nic.in ની મુલાકાત લેવી.
 * હોમપેજ પર, તમારે “NEET UG 2025 Result” લિંક પર ક્લિક કરવાનું રહેશે.
 * હવે તમારા પ્રવેશ કાર્ડ નંબર અને જન્મ તારીખ જેવા ઓળખપત્રો દાખલ કરો.
 * પરિણામ સ્ક્રીન પર પ્રદર્શિત થશે, જેને ડાઉનલોડ અને પ્રિન્ટ કરી શકાય છે.
આ પરિણામો મેડિકલ ક્ષેત્રમાં કારકિર્દી બનાવવા માંગતા લાખો વિદ્યાર્થીઓ માટે પ્રવેશનો માર્ગ મોકળો કરશે. તમામ સફળ ઉમેદવારોને અભિનંદન અને ઉજ્જવળ ભવિષ્ય માટે શુભેચ્છાઓ.