ભારત અને ઇંગ્લેન્ડ વચ્ચે 5 મેચની ટેસ્ટ શ્રેણી રમાશે, જેની પહેલી મેચ 20 જૂનથી રમાશે. ભારત અને ઇંગ્લેન્ડ શ્રેણી પહેલા 12 જૂને અમદાવાદમાં વિમાન દુર્ઘટના બની હતી, જેમાં 250 લોકોએ જીવ ગુમાવ્યા હતા, જ્યારે ઘણા લોકો ઘાયલ પણ થયા હતા. આ વિમાનમાં 169 ભારતીયો ઉપરાંત 53 બ્રિટિશ નાગરિકો પણ હતા. આ ઘટના બાદ, BCCI અને ઇંગ્લેન્ડ ક્રિકેટ બોર્ડે આ મોટી ઇવેન્ટ મુલતવી રાખી છે.

છેલ્લા ઘણા વર્ષોથી, ભારત અને ઇંગ્લેન્ડ વચ્ચેની ટેસ્ટ શ્રેણીને પડોડી ટ્રોફી તરીકે ઓળખવામાં આવે છે. પરંતુ આ વખતે આ શ્રેણીનું નામ બદલીને એન્ડરસન-તેંડુલકર ટ્રોફી રાખવાનો નિર્ણય લેવામાં આવ્યો. આ માટે, ઇંગ્લેન્ડ ક્રિકેટ બોર્ડ (ECB) અને ભારતીય ક્રિકેટ કંટ્રોલ બોર્ડ (BCCI) એ સાથે મળીને આ ટ્રોફીને વર્લ્ડ ટેસ્ટ ચેમ્પિયનશિપ ફાઇનલ દરમિયાન લોન્ચ કરવાની યોજના બનાવી હતી. જોકે, હવે તેને હાલ પૂરતું મુલતવી રાખવામાં આવી છે.

ક્રિકબઝના અહેવાલ મુજબ, બંને બોર્ડે અમદાવાદમાં એર ઇન્ડિયા વિમાન દુર્ઘટનાના પીડિતોને શ્રદ્ધાંજલિ અને સંવેદના આપવા માટે આ નિર્ણય લીધો છે. આ કારણોસર, આ ટ્રોફીના નવા નામની જાહેરાત કરવાનો કાર્યક્રમ હાલ પૂરતો મુલતવી રાખવામાં આવ્યો છે. વર્લ્ડ ટેસ્ટ ચેમ્પિયનશિપ (WTC) ફાઇનલના ચોથા દિવસે, ઇંગ્લેન્ડ ક્રિકેટ બોર્ડ (ECB) એ લોર્ડ્સના મેદાન પર એન્ડરસન-તેંડુલકર ટ્રોફીનું લોન્ચિંગ કરવાનું નક્કી કર્યું હતું. પરંતુ આના બે દિવસ પહેલા, 12 જૂને, અમદાવાદમાં એર ઇન્ડિયાનો મોટો વિમાન દુર્ઘટના થયો હતો

ECB ના એક અધિકારીના જણાવ્યા અનુસાર, આટલી મોટી દુર્ઘટનાને ધ્યાનમાં રાખીને, ટ્રોફી લોન્ચ ઇવેન્ટ મુલતવી રાખવાનો નિર્ણય લેવામાં આવ્યો હતો. ઇંગ્લેન્ડ અને ભારતના ક્રિકેટ બોર્ડ હવે આ ટ્રોફીને નવી તારીખે લોન્ચ કરવાની યોજના બનાવશે.

આ કાર્યક્રમમાં જેમ્સ એન્ડરસન અને સચિન તેંડુલકરને પણ આમંત્રણ આપવામાં આવ્યું હતું. એવી અપેક્ષા રાખવામાં આવે છે કે જ્યારે પણ આ ટ્રોફી લોન્ચ થશે, ત્યારે બંને દિગ્ગજો આ ઐતિહાસિક ક્ષણનો ભાગ બનશે.