પત્ની માટે બનાવ્યું તાજમહેલ જેવું ઘરઃ વીડિયો જોઈને ૨ ઘડી તો નવાઈ લાગશે
મધ્યપ્રદેશના ઈંદોર શહેરમાં આનંદ પ્રકાશ નામના વ્યક્તિએ તેનું ઘર એકદમ તાજમહેલ જેવું બનાવ્યું છે
ઈંદોર તા.૧૬: સાચા પ્રેમની વાર્તાઓ તમે પુસ્તકો, ફિલ્મો વગેરેમાં વાંચી-જોઈ અને સાંભળી હશે. શકય છે કે તમારા આસપાસ પણ કેટલાક પ્રેમીઓ હોય, જેમની લવ સ્ટોરી તમને પ્રભાવિત કરતી હોય. જે લોકો એકબીજાને ખૂબ જ સાચો પ્રેમ કરે છે, તેઓ પોતાના પ્રેમી અથવા પ્રેમિકા માટે કંઈ પણ કરી શકે છે. આ યાદીમાં ઘણા પ્રેમીઓના નામ ઇતિહાસમાં નોંધાયેલા છે જેમ કે હીર રાંઝા, લૈલા મજનૂ, શીરી ફરહાદ વગેરે. તેમની પ્રેમ કથા સાંભળીને તમારી આંખો ભીની થઈ જશે. આજના સમયમાં આ પ્રકારનો સાચો પ્રેમ કરનારા લોકો બહુ ઓછા જોવા મળે છે. હવે તો પ્રેમ પળમાં થાય છે અને બીજા જ પળમાં તૂટી પણ જાય છે. પરંતુ, જ્યારે તમે મધ્ય પ્રદેશના રહેવાસી આનંદ પ્રકાશ ચૌકસેનો તેમની પત્ની માટેના પ્રેમનો ઉદાહરણ જુઓ તો તમારી આંખો ખુલ્લી રહી જશે.
જો તમે મધ્ય પ્રદેશના ઇંદોર શહેર જશો તો આ શાનદાર ઘર જરૂરથી જુઓ. તેને જોઈને તમને લાગશે કે તાજમહેલ આગ્રાથી મધ્ય પ્રદેશમાં કયારે આવી ગયો. હકીકતમાં, આ ઘર ઇંદોરના નજીક આવેલું છે. આનંદ પ્રકાશે આ ઘર પોતાની પત્ની માટે ખાસ બનાવ્યું છે, જે તાજમહેલની નકલ છે. આનંદ પ્રકાશે આ ઘર પ્રેમના પ્રતીક તરીકે બનાવ્યું છે. આ ઘર અંદરથી જોઈને તમે આﾍર્યચકિત થઈ જશો. ખૂબ જ સુંદર અને આલિશાન મહેલ જેવું લાગે છે. આ ઘરની સૌથી ખાસ વાત એ છે કે આ ઘર આનંદ પ્રકાશે સ્થાપિત કરેલા એક સ્કૂલની અંદર જ બનાવ્યું છે. આ ખરેખર એક અનોખું ઘર છે. તેનો હેતુ પણ ખૂબ મહાન છે.
આ ઘરનો વિડિઓ તેમના ઇન્સ્ટાગ્રામ અકાઉન્ટ પર Priyam Saraswat દ્વારા શેર કરવામાં આવ્યો છે. પ્રિયમ મુખ્યત્વે ભારતના અલગ-અલગ રાજ્યોમાં બનેલા શાનદાર અને શ્રેષ્ઠ ઘરો વિશે વિડિઓ અપલોડ કરે છે. ઇન્સ્ટાગ્રામ પર પ્રિયમના ૧.૫ મિલિયન ફોલોઅર્સ છે. આ ઘરોના માલિકો સાથે મળી -યિમ તેમની વિશેષતાઓ, ડિઝાઇન વિશે પ્રશ્નો કરે છે. પછી પોતાના ફોલોઅર્સ માટે આ ઘરોના વીડિયોઝ પોતાના અકાઉન્ટ પર પોસ્ટ કરે છે. આનંદ પ્રકાશના ઘરમાં પણ પ્રિયમ સરસ્વત પહોંચ્યા અને આ તાજમહેલ જેવું ઘર અંદરથી પોતાના કેમેરામાં કેદ કર્યું.
આનંદ પ્રકાશ કહે છે, આ તાજમહેલ અમારું ૪ BHKનું ઘર છે, જેમાં અમે રહેતા છીએ. આ ઘર મકરાના માર્બલથી બનાવવામાં આવ્યું છે. અસલી તાજમહેલમાં જે ડાયમેન્શન્સ મીટરમાં છે, આ ઘરમાં તે જ ફીટમાં છે. આ રીતે આ ઘરને વન થર્ડ રેડ્યુસ કરીને બનાવવામાં આવ્યું છે. આ ઘરમાં સુંદર લિવિંગ રૂમ, લાઇબ્રેરી, મેડિટેશન રૂમ બધું જ બનાવવામાં આવ્યું છે. સીડીઓ પર પણ તાજમહેલ જેવી નક્કાશી કરવામાં આવી છે. આ ઘરમાં તમામ સુવિધાઓ ઉપલબ્ધ છે. અંદરથી જોઈને કોઈ આલિશાન મહેલથી ઓછું નથી આ પ્રેમનું આશિયાન. આ ઘર આનંદ પ્રકાશે સો ટકા પોતાના પ્રેમ એટલે કે પોતાની પત્ની માટે બનાવ્યું છે અને બંનેનો પ્રેમ ખૂબ જ સાચો અને સંબંધ ખૂબ જ મજબૂત છે. બંને એકબીજાના માટે જીવે છે અને તેમની પત્ની પણ તેમનો સાથ હંમેશા આપે છે
(11:41 AM IST)
છેલ્લા 8 દિવસમાં સૌથી લોકપ્રિય 
