નવી દિલ્હી :દિલ્હીથી રાંચી જતી એર ઇન્ડિયા એક્સપ્રેસ ફ્લાઇટને ટેકઓફ કર્યા પછી પરત દિલ્હી ડાઇવર્ટ કરાઈ હતી .આ ફ્લાઇટ સાંજે 6:20 વાગ્યે રાંચીના બિરસા મુંડા એરપોર્ટ પર ઉતરવાની હતી, જોકે, ટેકઓફ કર્યા પછી તેને પાછી દિલ્હી વાળવામાં આવી હતી.

દિલ્હીથી રાંચી જતી એર ઇન્ડિયા એક્સપ્રેસ ફ્લાઇટને ટેકઓફ કર્યા બાદ દિલ્હીમાં ડાઇવર્ટ કરવામાં આવી હતી. ફ્લાઇટને સાંજે 6:20 વાગ્યે રાંચીના બિરસા મુંડા એરપોર્ટ પર લેન્ડ કરવાનું હતું, જોકે, ટેકઓફ કર્યા પછી તેને દિલ્હી વાળવામાં આવી હતી. એર ઇન્ડિયા એક્સપ્રેસના પ્રવક્તાએ જણાવ્યું હતું કે ટેકઓફ પછી શંકાસ્પદ ટેકનિકલ સમસ્યાને કારણે અમારી એક ફ્લાઇટને દિલ્હી પરત ફરવું પડ્યું હતું. તેમણે કહ્યું કે નિરીક્ષણ અને ક્લિયરન્સ પછી, વિમાને સુનિશ્ચિત કામગીરી ચાલુ રાખી.

આ પહેલા પણ આજે ટાટા ગ્રુપના એક વિમાનમાં ખામી જોવા મળી હતી. હોંગકોંગથી દિલ્હી આવતી ફ્લાઇટ દરમિયાન પાઇલટને એન્જિનમાં સમસ્યાનો અનુભવ થયો અને એરપોર્ટનો સંપર્ક કર્યા બાદ આ ફ્લાઇટને હોંગકોંગ પરત ફરવું પડ્યું. વિમાનમાં ટેકનિકલ ખામી સર્જાતા એર ઇન્ડિયાની ફ્લાઇટ AI315 ને અધવચ્ચે જ પાછી મોકલી દેવામાં આવી હતી. જે વિમાનમાં ખામી સર્જાઈ હતી તે બોઇંગ 787-8 ડ્રીમલાઇનર હતું. જોકે, આ ઘટનામાં કોઈ નુકસાનના સમાચાર નથી.

 12 જૂનના રોજ, એર ઈન્ડિયાનું વિમાન અમદાવાદ એરપોર્ટથી ઉડાન ભરી ગયું હતું અને ટેકઓફ કર્યાના થોડા જ સેકન્ડમાં ક્રેશ થઈ ગયું હતું. આ વિમાનમાં 242 લોકો સવાર હતા. આ વિમાન લંડન જઈ રહ્યું હતું. આ વિમાન અમદાવાદમાં જ એક મેડિકલ કોલેજની હોસ્ટેલ બિલ્ડીંગ સાથે અથડાયું હતું. આ વિમાન દુર્ઘટનામાં, વિમાનમાં સવાર એક વ્યક્તિ સિવાય, બાકીના બધાના મોત થયા હતા. જે બિલ્ડિંગ સાથે વિમાન અથડાયું હતું તેમાં હાજર લોકો પણ માર્યા ગયા હતા અને ઘણા લોકો ઘાયલ પણ થયા હતા. વિમાન દુર્ઘટનામાં 297 લોકો મૃત્યુ પામ્યા હતા. ગુજરાતના ભૂતપૂર્વ મુખ્યમંત્રી વિજય રૂપાણીનું પણ આ દુર્ઘટના મૃત્યુ થયું હતું.