ઈરાન અને ઈઝરાયલ વચ્ચે ચાલી રહેલા યુદ્ધ વચ્ચે, યુએસ રાષ્ટ્રપતિ ડોનાલ્ડ ટ્રમ્પે કહ્યું કે અમે જાણીએ છીએ કે ઈરાનના સર્વોચ્ચ નેતા આયાતુલ્લા અલી ખામેની ક્યાં છુપાયેલા છે, પરંતુ અમે તેમને મારવા પણ માંગતા નથી. આ સાથે, ટ્રમ્પે કહ્યું કે કોઈપણ શરત વિના તાત્કાલિક શરણાગતિ સ્વીકારો. એટલું જ નહીં, ટ્રમ્પે એમ પણ કહ્યું છે કે અમે ઈરાનના આકાશ પર કબજો કરી લીધો છે. .

    ટ્રમ્પે સોશિયલ મીડિયા પર લખ્યું કે અમે સારી રીતે જાણીએ છીએ કે કહેવાતા 'સર્વોચ્ચ નેતા' ક્યાં છુપાયેલા છે. તે એક સરળ લક્ષ્ય છે, પરંતુ તે ત્યાં સુરક્ષિત છે. અમે તેમને મારીશું નહીં, ઓછામાં ઓછું હમણાં નહીં. પરંતુ અમે નથી ઇચ્છતા કે નાગરિકો કે અમેરિકન સૈનિકો પર મિસાઇલો છોડવામાં આવે. અમારી ધીરજ ખૂટી રહી છે." દરમિયાન, યુએસ સંરક્ષણ અધિકારીઓએ જણાવ્યું હતું કે અમેરિકા મધ્ય પૂર્વમાં વધુ ફાઇટર જેટ મોકલી રહ્યું છે

    અગાઉ, ઇઝરાયલના સંરક્ષણ પ્રધાન ઇઝરાયલ કાત્ઝે ચેતવણી આપી હતી કે ખામેનીને ઇરાકના સદ્દામ હુસૈન જેવું જ પરિણામ ભોગવવું પડી શકે છે. તેમણે કહ્યું, "યાદ રાખો કે પડોશી દેશ ઇરાકના સરમુખત્યારનું શું થયું હતું, જેમણે ઇઝરાયલ વિરુદ્ધ આ રસ્તો અપનાવ્યોહતો 

   યુએસ રાષ્ટ્રપતિ ડોનાલ્ડ ટ્રમ્પ G7 સમિટમાં ભાગ લેવા માટે કેનેડા પહોંચ્યા હતા પરંતુ તેમણે એક દિવસ પહેલા જ તેમનો પ્રવાસ સમાપ્ત કરવાનો નિર્ણય લીધો. વ્હાઇટ હાઉસના પ્રેસ સેક્રેટરી કેરોલિન લેવિટે જણાવ્યું હતું કે રાષ્ટ્રપતિ ટ્રમ્પ આજે રાત્રે વોશિંગ્ટન પાછા ફરશે જેથી તેઓ મહત્વપૂર્ણ બાબતો પર ધ્યાન કેન્દ્રિત કરી શકે. 

     ઈરાન અને ઈઝરાયલ વચ્ચે ચાલી રહેલા સંઘર્ષ અંગે ટ્રમ્પે કહ્યું કે તેઓ ઈઝરાયલ અને ઈરાન વચ્ચેના સંઘર્ષનો કાયમી ઉકેલ ઇચ્છે છે, ફક્ત લડાઈનો અસ્થાયી અંત નહીં. G7 સમિટમાંથી પાછા ફર્યા બાદ તેમણે કહ્યું કે હું યુદ્ધવિરામની અપેક્ષા રાખતો નથી. અમે યુદ્ધવિરામ કરતાં વધુ સારી અપેક્ષા રાખીએ છીએ 

      મીડિયા અહેવાલો અનુસાર, ઈઝરાયલી લશ્કરી અધિકારીઓએ કહ્યું કે અમે ઈરાનના પરમાણુ અને બેલિસ્ટિક મિસાઈલ કાર્યક્રમો સાથે સંબંધિત ડઝનેક સ્થળોએ રાતોરાત હુમલો કર્યો છે. આ હુમલા પછી, ઈરાની સેનાને ભાગવાની ફરજ પડી હતી. જોકે, તેમણે સ્પષ્ટતા કરી કે ઈરાનના ભૂગર્ભ ફોર્ડો પરમાણુ કેન્દ્રને હજુ સુધી નિશાન બનાવવામાં આવ્યું નથી. તેમણે કહ્યું કે પરમાણુ આપત્તિ અટકાવવા માટે સાવચેતી રાખવામાં આવી રહી છે.