તા. ૧૭ નવેમ્બર ર૦ર૬ વિક્રમ સંવત ર૦૮૩ કારતક સુદ – ૮ મંગળવાર
News of Wednesday, 18th June 2025
હવે કેન્સરની ત્રણ વર્ષ વ્હેલી ખબર પડી જશે
રિસર્ચમાં ખુલાસો : નવુ સંશોધન સારવારમાં એક આશાનું કિરણ : ટ્રાયલનો પ્રારંભ : દર્દીઓની સારવાર સરળ બનશે : લાખો લોકોના જીવ બચી જશે

નવી દિલ્હી, તા.૧૮: કેન્સર એક ગંભીર અને જીવલેણ રોગ છે. જો કેન્સરની સમયસર ઓળખ થઈ જાય તો સારવાર શકય છે, પરંતુ આ એક એવો રોગ છે, જેની શરૂઆતની ઓળખ ઝડપથી થતી નથી. આવી સ્થિતિમાં, દર્દી ચોથા તબક્કામાં કયારે પહોંચે છે તે જાણી શકાતું નથી. હવે વૈજ્ઞાનિકોએ એક નવી તકનીક શોધી કાઢી છે, જેની મદદથી કેન્સર તેના લક્ષણો દેખાય તે પહેલાં લગભગ ત્રણ વર્ષ પહેલાં શોધી શકાય છે. આ સંશોધન અમેરિકાની જોન્સ હોપકિન્સ યુનિવર્સિટીમાં કરવામાં આવ્યું છે. યુનિવર્સિટીના વૈજ્ઞાનિકોએ દાવો કર્યો છે કે હવે કેન્સરની ઓળખ ૩૬ મહિના પહેલા થઈ જશે. આનાથી કેન્સરના દર્દીઓની સારવાર સરળ બનશે. રોગની વહેલી તપાસને કારણે, તેનો પ્રારંભિક તબક્કામાં જ ઇલાજ થઈ શકે છે. જોકે આ સંશોધન હજુ તેના પ્રારંભિક તબક્કામાં છે, પરંતુ તે કેન્સરની રોકથામમાં આશાનું કિરણ લાવ્યું છે.
આ સંશોધન પ્રતિષ્ઠિત મેડિકલ જર્નલ કેન્સર ડિસ્કવરીમાં પ્રકાશિત થયું છે. તેમાં જણાવાયું છે કે વૈજ્ઞાનિકોએ લોહીમાં હાજર જનીનોમાં થતા ફેરફારોને ઓળખવાનો એક રસ્તો શોધી કાઢયો છે, જે કહી શકે છે કે વ્યક્તિને ભવિષ્યમાં કેન્સર થઈ શકે છે કે નહીં. આ તકનીકને મલ્ટી-કેન્સર અર્લી ડિટેક્શન (MCED) ટેસ્ટ કહેવામાં આવે છે.
MCED ટેસ્ટ એક પ્રકારનો પ્રાયોગિક રક્ત પરીક્ષણ છે, જેમાં શરીરમાં હાજર DNA, RNA અથવા પ્રોટીન દ્વારા તપાસ કરવામાં આવે છે કે શરીરમાં કોઈપણ પ્રકારના કેન્સરના ચિホો છે કે નહીં. આ પરીક્ષણની ખાસ વાત એ છે કે તે એકસાથે અનેક પ્રકારના કેન્સરને ઓળખી શકે છે, જે પરંપરાગત પરીક્ષણોથી શકય નથી.
ટ્રાયલમાં, વૈજ્ઞાનિકોએ ૫૨ લોકોના લોહીના નમૂનાઓની તપાસ કરી. આમાંથી ૨૬ લોકોને છ મહિનાની અંદર કેન્સર હોવાનું નિદાન થયું હતું અને ૨૬ લોકો સ્વસ્થ હતા. સંશોધનમાં જાણવા મળ્યું કે ૮ લોકોમાં ટેસ્ટ પોઝિટિવ આવ્યો હતો અને તેમને ૪ મહિનાની અંદર કેન્સર હોવાનું જાણવા મળ્યું હતું. ખાસ વાત એ હતી કે આ આઠ લોકોમાંથી છ લોકોના જૂના લોહીના નમૂના (લગભગ ૩.૧ થી ૩.૫ વર્ષ પહેલાં લેવામાં આવ્યા હતા)નું પણ પરીક્ષણ કરવામાં આવ્યું હતું. આમાંથી ચાર નમૂનાઓમાં, કેન્સર સંબંધિત આનુવંશિક પરિવર્તન, એટલે કે જનીનોમાં ફેરફાર, પહેલાથી જ હાજર હતા.
સંશોધનના વડા કહે છે કે આ પરિણામો વૈજ્ઞાનિકો માટે પણ આ?ર્યજનક હતા. જો કેન્સર ત્રણ વર્ષ પહેલા શોધી કાઢવામાં આવે, તો આ રોગ પ્રારંભિક તબક્કામાં જ પકડી શકાય છે, જે સારવારની શકયતા અને સફળતા બંનેમાં વધારો કરે છે. જો કે, આ હજુ પણ પ્રારંભિક તબક્કો છે, ક્લિનિકલ ટ્રાયલ ચાલુ છે. એવી અપેક્ષા છે કે ભવિષ્યમાં તેને સરળ બનાવી શકાય છે.
આ સંશોધનથી સાબિત થયું છે કે MCED ટેસ્ટ કેન્સરના પ્રારંભિક નિદાન માટે સારો સાબિત થશે, પરંતુ હાલમાં તે એક પ્રાયોગિક તકનીક છે. સંશોધકો કહે છે કે સકારાત્મક પરીક્ષણ પછી દર્દીનું યોગ્ય ફોલો-અપ અને સારવાર કેવી રીતે કરવી તે જોવાની જરૂર પડશે. ટ્રાયલ પણ તેના પ્રારંભિક તબક્કામાં છે. જો તે મોટા પાયે સફળ થાય છે, તો તે કેન્સર નિવારણમાં એક મોટી સિદ્ધિ સાબિત થશે.
(3:29 PM IST)









છેલ્લા 8 દિવસમાં સૌથી લોકપ્રિય 
