છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
વિશ્વની ટોચની યુનિવર્સિટીઓમાં ભારતની ૫૦ યુનિવર્સિટીઓનો સમાવેશ
QS વર્લ્ડ યુનિવર્સિટી રેન્કિંગમાં લગભગ ૫૦ ટકા ભારતીય યુનિવર્સિટીઓનો ક્રમ સુધર્યો છે. આ વષે, IIT દિલ્હીમાં ભારતમાં શ્રેષ્ઠ વળદ્ધિ જોવા મળી છે. આ સંસ્થા અત્યાર સુધી આ યાદીમાં ૧૫૦મા સ્થાને હતી, જે હવે ઘટીને ૧૨૩મા સ્થાને આવી ગઈ છે : વૈશ્વિક સ્તરે મેસેચ્યુસેટ્સ ઇન્સ્ટિટયૂટ ઓફ ટેકનોલોજી (MIT) એ પ્રથમ સ્થાન પ્રાપ્ત કર્યુ
નવી દિલ્હી તા.૧૯: આ વર્ષના QS વર્લ્ડ યુનિવર્સિટી રેન્કિંગ ૨૦૨૬ માં ભારતીય યુનિવર્સિટીઓએ શાનદાર પ્રદર્શન કર્યું છે. લગભગ ૫૦%ભારતીય સંસ્થાઓના રેન્કિંગમાં સુધારો થયો છે, જે દેશની ઉચ્ચ શિક્ષણ પ્રણાલી માટે એક મોટી સિદ્ધિ માનવામાં આવે છે. IIT દિલ્હીએ આ વર્ષે સૌથી મોટી છલાંગ લગાવી છે. આ સંસ્થા હવે વૈશ્વિક રેન્કિંગમાં ૧૨૩મા સ્થાને પહોંચી ગઈ છે. બે વર્ષ પહેલાં, એટલે કે ૨૦૨૪ માં, તે ૧૯ મા ક્રમે હતું અને ૨૦૨૫ માં તે ૧૫૦ મા ક્રમે હતું.
ગયા વખતે ભારતમાં પ્રથમ ક્રમે રહેલું IIT બોમ્બે હવે બીજા ક્રમે છે. જોકે, તેનું રેન્કિંગ થોડું નીચે ગયું છે - તે ૨૦૨૫ માં ૧૧૮ મા ક્રમે હતું અને હવે તે ૧૨૯ પર આવી ગયું છે. IIT મદ્રાસે પણ તેના રેન્કિંગમાં મોટો સુધારો જોયો છે. ચેન્નાઈ સ્થિત આ સંસ્થા હવે ૧૮૦ મા ક્રમે છે, જે પહેલી વાર ટોચના ૨૦૦ માં પ્રવેશી છે. ગયા વર્ષે તે ૨૨૭ મા ક્રમે હતી.
રેન્કિંગ યાદીમાં ૮ ભારતીય સંસ્થાઓનો સમાવેશ
આ ત્રણ પછી, IIT ખડગપુર અને IISc બેંગ્લોર ચોથું અને પાંચમું સ્થાન મેળવ્યું છે. દિલ્હી યુનિવર્સિટી (DU) ના રેન્કિંગમાં પણ સારો સુધારો થયો છે. તે હવે ૩૨૮ મા ક્રમે આવી ગયું છે, જ્યારે ગયા વર્ષે તે ૪૦૭ મા ક્રમે હતું. આ વર્ષે ભારતની ૮ નવી સંસ્થાઓને રેન્કિંગમાં સામેલ કરવામાં આવી છે. હવે ભારતની કુલ ૫૪ સંસ્થાઓને QS રેન્કિંગમાં સામેલ કરવામાં આવી છે. આમ ભારત ચોથા સ્થાને છે, જે યુએસ (૧૯૨), યુકે (૯૦) અને ચીન (૭૨) પછી આવે છે.
વિશ્વની વાત કરીએ તો, આ વર્ષે પણ મેસેચ્યુસેટ્સ ઇન્સ્ટિટયૂટ ઓફ ટેકનોલોજી (MIT) પ્રથમ સ્થાને રહી છે. તે સતત ૧૪મા વર્ષે નંબર વન રહ્યું છે.(૩૮.૪)
(10:01 AM IST)
