છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
FASTag પાસથી ૭ હજાર રૂપિયા કેવી રીતે બચશે ? શું તે ખરીદવું જરૂરી છે
પાસની કિંમત ૩,૦૦૦ રૂપિયા હશેઃ ૧૫ ઓગસ્ટથી અમલમાં આવશેઃ જેના કારણે હાઇવે પર કોઈપણ મુશ્કેલી વિના મુસાફરી કરવી શકય બનશે
નવી દિલ્હી તા.૧૯: કેન્દ્ર સરકારે FASTag આધારિત વાર્ષિક પાસ શરૂ કરવાનો નિર્ણય લીધો છે ગઇ કાલે કેન્દ્રીય મંત્રી નીતિન ગડકરીએ પાસ સિસ્ટમની જાહેરાત કરી હતી. તેમણે શકયતા વ્યક્ત કરી છે કે આ પાસને કારણે હાઇવે પર મુસાફરી કરનારાઓ પર નાણાકીય બોજ ઓછો થશે. તેમણે એ પણ સ્પષ્ટ કર્યું છે કે આ પાસ લેવો ફરજિયાત રહેશે નહીં. સંપૂર્ણ વિગતો જાણો.
વાર્ષિક FASTag પાસ શું છે
ગડકરીએ માહિતી આપી છે કે આ પાસની કિંમત ૩,૦૦૦ રૂપિયા હશે. તેમણે કહ્યું કે તે ૧૫ ઓગસ્ટથી અમલમાં આવશે, જેના કારણે હાઇવે પર કોઈપણ મુશ્કેલી વિના મુસાફરી કરવી શકય બનશે. તેમણે જણાવ્યું છે કે આ ‘‘પાસ'' લોન્ચ થયાની તારીખથી એક વર્ષ અથવા ૨૦૦ મુસાફરી (જે વહેલું હોય તે) માટે માન્ય રહેશે.
કેટલી બચત થશે
૧ ટ્રીપ એટલે ૧ ટોલ ક્રોસિંગ એટલે કે મુસાફરો એક બાજુથી પસાર થઈ શકશે. તે જ સમયે, ૩ હજાર રૂપિયાના પાસ પછી, મુસાફરને ૨૦૦ ટ્રીપ એટલે કે ૨૦૦ ટોલ ક્રોસિંગ મળશે. ગડકરીએ જણાવ્યું છે કે ૧ ટોલ ક્રોસિંગનો સરેરાશ ખર્ચ ફક્ત ૧૫ રૂપિયા થશે. તેમણે ઉદાહરણ આપ્યું કે જો તમે એક ટોલ પર ૫૦ રૂપિયા ચૂકવો છો, તો તમારે ૨૦૦ ટોલ પર ૧૦ હજાર રૂપિયા ચૂકવવા પડશે. હવે આ પાસ પછી, ઓછામાં ઓછા ૭ હજાર રૂપિયા બચશે.
પાસ કોને મળશે
ગડકરીએ માહિતી આપી કે તે ખાસ કરીને કાર, જીપ અને વાન જેવા બિન-વાણિજ્યિક ખાનગી વાહનો માટે બનાવવામાં આવ્યો છે. વાર્ષિક ‘‘પાસ'' ફક્ત નેશનલ હાઇવે (NH) અને નેશનલ એક્સપ્રેસ વે (NE) ટોલ પ્લાઝા પર માન્ય છે. હાઇવે મંત્રાલયે જણાવ્યું હતું કે વાર્ષિક ‘‘પાસ'' ફક્ત ખાનગી બિન-વાણિજ્યિક કાર / જીપ / વાન માટે જ લાગુ પડે છે. જો કોઈ વાણિજ્યિક વાહન માટે ઉપયોગ કરવામાં આવે છે, તો તેને કોઈપણ સૂચના વિના તાત્કાલિક નિષ્ક્રિય કરવામાં આવશે.
શું ખરીદવું જરૂરી છે
ગડકરીની આ જાહેરાત પછી, માર્ગ પરિવહન અને રાજમાર્ગ મંત્રાલયે સ્પષ્ટતા કરી હતી કે જેમની પાસે પહેલાથી જ ‘‘FASTag'' છે તેમને નવું ફાસ્ટેગ ખરીદવાની જરૂર રહેશે નહીં. મંત્રાલયે કહ્યું, ‘‘વાર્ષિક ‘‘પાસ'' તમારા હાલના ‘‘FASTag' પર સક્રિય કરી શકાય છે, જો તે પાત્રતા માપદંડોને પૂર્ણ કરે (એટલે કે, તે વાહનના વિન્ડશિલ્ડ પર યોગ્ય રીતે ચોંટાડવામાં આવે, માન્ય વાહન નોંધણી નંબર સાથે જોડાયેલ હોય, બ્લેકલિસ્ટેડ ન હોય, વગેરે)''
કેવી રીતે અરજી કરવી
કેન્દ્રીય મંત્રીએ માહિતી આપી છે કે આ માટેની લિંક ટૂંક સમયમાં હાઇવે ટ્રાવેલ એપ તેમજ નેશનલ હાઇવે ઓથોરિટી ઓફ ઇન્ડિયા (NHAI) અને માર્ગ પરિવહન અને રાજમાર્ગ મંત્રાલયની સત્તાવાર વેબસાઇટ પર ઉપલબ્ધ થશે.
હવે સિસ્ટમ શું છે
હાલમાં, માસિક ‘‘પાસ'' એવા વાહનો માટે ઉપલબ્ધ છે જે ચોક્કસ ટોલ પ્લાઝામાંથી વારંવાર પસાર થાય છે. આ ‘‘પાસ''નો ખર્ચ દર મહિને રૂ. ૩૪૦ અને વાર્ષિક રૂ. ૪,૦૮૦ છે, જે સરનામાની ચકાસણી કરીને અને અન્ય સંબંધિત દસ્તાવેજો સબમિટ કરીને મેળવી શકાય છે.
(11:15 AM IST)
