નવી દિલ્હી :ગૂગલે તેની મેસેજિંગ એપ માટે અનેક અપડેટ્સની જાહેરાત કરી છે. આ અપડેટ પછી દરેક માટે મેસેજ નોટિફિકેશન સ્નૂઝ કરવા અને ટેક્સ્ટ મેસેજ ડિલીટ કરવા જેવી સુવિધાઓ મળશે. તમને આ બધી સુવિધાઓ વોટ્સએપ પર મળે છે, પરંતુ હવે તમે તેનો ઉપયોગ RCS ચેટ એટલે કે SMS માં પણ કરી શકશો.

આ સુવિધાઓ સ્થિર વપરાશકર્તાઓ માટે રજૂ કરવામાં આવી રહી છે. આ સુવિધાઓનું જેવુ નામ છે તેવું જ તેનું કાર્ય છે. સ્નૂઝ સુવિધાનો ઉપયોગ કરીને, તમે સંદેશની સૂચના સ્નૂઝ કરી શકશો. આ ઉપરાંત તમે મોકલેલા સંદેશને ડિલીટ કરવા માટે ડિલીટ ફોર એવરીવન સુવિધાનો ઉપયોગ કરી શકો છો.

ધારો કે તમે એક SMS મોકલ્યો છે, જેમાં કોઈ ભૂલ ગઈ છે અને તમે તે મેસેજને ડિલીટ કરવા માંગો છો તો એ મેસેજ રીસીવરમાંથી તમે આ નવી સુવિધાની મદદથી ડિલીટ કરી શકો છો. કંપની ઘણા સમયથી ડિલીટ ફોર એવરીવન સુવિધા પર કામ કરી રહી હતી. તમને વોટ્સએપ અને અન્ય ઇન્સ્ટન્ટ મેસેજિંગ પ્લેટફોર્મ પર આવી સુવિધા પહેલાથી જ મળી રહી છે પરંતુ ગૂગલની મેસેજિંગ એપમાં પણ હવે તમને આ સુવિધા મળશે.

ડિલીટ ફોર એવરીવન ફીચરનો ઉપયોગ કરવા માટે તમારે કોઈપણ મેસેજ પર લાંબા સમય સુધી દબાવવું પડશે. આ પછી તમારે ટ્રેશ પર ક્લિક કરવું પડશે, ત્યારબાદ તમને બે વિકલ્પો મળશે. અહીં તમને ડિલીટ ફોર એવરીવન અને ડિલીટ ફોર મી નો વિકલ્પ મળશે. તમે તમારી ઈચ્છા મુજબ વિકલ્પ પસંદ કરી શકો છો.

આ સુવિધા ફક્ત RCS ચેટ્સ સુધી મર્યાદિત છે. તમે બધા વપરાશકર્તાઓ માટે નોન-RCS મેસેજ ડિલીટ કરી શકતા નથી. જો બીજો વપરાશકર્તા જૂનો ફોન વાપરી રહ્યો હોય, તો શક્ય છે કે તે ડિલીટ કર્યા પછી પણ તમારો મેસેજ જોઈ શકે. કંપનીએ RCS ગ્રુપ ચેટ્સ માટે પર્સનલાઇઝેશનનો વિકલ્પ પણ આપ્યો છે.