ઈરાન અને ઈઝરાયલ વચ્ચેના યુદ્ધ દરમિયાન, ઈરાની બેલિસ્ટિક મિસાઈલે ઈઝરાયલની સોરોકા હોસ્પિટલ પર હુમલો કર્યો હતો. ઈઝરાયલના વડા પ્રધાન નેતન્યાહૂએ તેને જાણી જોઈને કરાયેલો હુમલો ગણાવ્યો હતો, જ્યારે ઈરાને સ્પષ્ટતા કરી હતી કે નિશાન નજીકનું લશ્કરી સ્થળ હતું. ઈઝરાયલના વડા પ્રધાને કહ્યું છે કે એવી કાર્યવાહી કરવામાં આવશે જે દુનિયા જોશે.

ઈરાન અને ઈઝરાયલ વચ્ચે ચાલી રહેલા યુદ્ધ વચ્ચે, ઈરાની મિસાઈલે ઈઝરાયલની સોરોકા હોસ્પિટલ પર હુમલો કર્યો. સોશિયલ મીડિયા પર ઘણા વીડિયો વાયરલ થઈ રહ્યા છે, જેમાં ઈરાની બેલિસ્ટિક મિસાઈલ દ્વારા હોસ્પિટલ પર થયેલા હુમલા પછીની પરિસ્થિતિ દર્શાવવામાં આવી છે. હોસ્પિટલે જણાવ્યું હતું કે ઈમારત અને આસપાસના વિસ્તારોને વ્યાપક નુકસાન થયું છે.

સોરોકા હોસ્પિટલ પર ઈરાનના હુમલા અંગે, ઇઝરાયલી વડાપ્રધાન બેન્જામિન નેતન્યાહૂએ કહ્યું, "આ ફરક છે. આપણે પરમાણુ લક્ષ્યો અને મિસાઇલ ઠેકાણાઓને નિશાન બનાવી રહ્યા છીએ, અને તેઓ એવી હોસ્પિટલોને નિશાન બનાવી રહ્યા છે જ્યાં લોકો ઉભા થઈને દોડી પણ શકતા નથી. તેઓ બાળકોના વોર્ડને નિશાન બનાવી રહ્યા છે. કાયદા અનુસાર કામ કરતી લોકશાહી અને આપણા દરેકનો નાશ કરવા માંગતા ખૂનીઓના શાસન વચ્ચે આ ફરક છે."

આ દરમિયાન, સમગ્ર ઈરાનમાં ઈન્ટરનેટ બંધ કરી દેવામાં આવ્યું છે. સંદેશાવ્યવહાર ખોરવાઈ જવાથી લોકોને મુશ્કેલીઓનો સામનો કરવો પડી રહ્યો છે. પરંતુ ઈરાની સરકારે ઈન્ટરનેટ બ્લેકઆઉટના નિર્ણયને યોગ્ય ઠેરવ્યો છે. તેના મતે, ઈઝરાયલ લશ્કરી જરૂરિયાતો માટે ઈન્ટરનેટનો ઉપયોગ કરી રહ્યું છે. અલી ખામેની પરના હુમલા વિશે પૂછવામાં આવતા, બેન્જામિન નેતન્યાહૂએ કહ્યું, "ઇઝરાયલ ટૂંક સમયમાં કાર્યવાહી કરશે. હું હમણાં વાત નહીં કરું પણ જે પણ કાર્યવાહી કરવામાં આવે છે તે દુનિયા જોશે

ઈરાની અધિકારીઓએ કહ્યું કે આ હુમલો ઇરાદાપૂર્વક કરવામાં આવ્યો ન હતો, પરંતુ અમારું લક્ષ્ય નજીકની લશ્કરી ગુપ્તચર સાઇટ હતી. જવાબમાં, ઇઝરાયલી અધિકારીઓએ કહ્યું કે આ નિવેદન ફક્ત ગેરમાર્ગે દોરનારું છે. ઇઝરાયલના સંરક્ષણ પ્રધાન યોવ ગાલાન્ટે કહ્યું, "તે ઇરાદાપૂર્વકનો અને ક્રૂર હુમલો હતો. જ્યારે તમે કોઈ હોસ્પિટલ પર હુમલો કરો છો, ત્યારે તે ભૂલ નથી.