ગાઝિયાબાદ પોલીસ સ્ટેશન સામે ગોળી મારી હત્યા
કાર વિવાદે લીધો યુવકનો જીવ
ગાઝિયાબાદ,તા.૨૦: યુપીના ગાઝિયાબાદના મુરાદનગરમાં એક ચોંકાવનારી ઘટના બની છે. બુધવારે રાત્રે ૧૨:૧૫ વાગ્યે મુરાદનગર પોલીસ સ્ટેશનની સામે એક યુવાનની ગોળી મારીને હત્યા કરવામાં આવી હતી. મળતકની ઓળખ રવિ શર્મા તરીકે થઈ છે, જે દૂધ રાવલી ગામનો રહેવાસી છે. પરિવારના સભ્યોએ પોલીસ સ્ટેશનની સામે લાશ મૂકીને વિરોધ કર્યો હતો અને આરોપીઓનું એન્કાઉન્ટર કરવાની માગ કરી હતી
બુધવારે રાત્રે લગભગ ૧૦ વાગ્યે રવિ શર્મા અને આરોપી અજય અને મોન્ટી વચ્ચે કાર બહાર કાઢવાને લઈને ઝઘડો થયો હતો. ઝઘડા પછી, આરોપી રવિના ઘરે પહોંચ્યો અને તેને માર માર્યો. આરોપી અજયે રવિના ઘરના ગેટ પર બે ગોળીબાર પણ કર્યા.
પીડિતે ડાયલ ૧૧૨ પર જાણ કરી. પોલીસની સલાહ પર, રવિ તેના ભાઈ સાથે ફરિયાદ નોંધાવવા માટે પોલીસ સ્ટેશન પહોંચ્યો. આરોપી પણ ત્યાં પહોંચી ગયો. આ દરમિયાન અજય અને મોન્ટીએ રવિ પર ગોળીબાર કર્યો. ચાર ગોળીઓ વાગતાં રવિ જમીન પર પડી ગયો. આરોપી ઘટનાસ્થળેથી ભાગી ગયો.
ઘાયલ રવિને મોદીનગરની નિવોક હોસ્પિટલમાં લઈ જવામાં આવ્યો, જ્યાં ડોક્ટરોએ તેને મળત જાહેર કર્યો. મળતકના પરિવારે હોસ્પિટલમાં હોબાળો મચાવ્યો. માહિતી મળતાં જ ડીસીપી રૂરલ અને એસીપી મસૂરી પોલીસ ફોર્સ સાથે ઘટનાસ્થળે પહોંચી ગયા.
પરિવારના સભ્યોએ પોલીસ સ્ટેશનના ગેટ પર મળતદેહ મૂકીને હોબાળો મચાવ્યો છે. મહિલાઓ માગ કરી રહી છે કે આરોપીના ઘર પર બુલડોઝર ચલાવીને એન્કાઉન્ટર કરવામાં આવે. તેમનું કહેવું છે કે જેમ અનિલ મરી ગયો છે, તેવી જ રીતે આરોપીને પણ એન્કાઉન્ટરમાં મારી નાખવો જોઈએ. પૂર્વ ધારાસભ્ય અમરપાલ શર્મા પણ ઘટનાસ્થળે પહોંચ્યા હતા. પોલીસ કમિશનરે મુરાદનગર પોલીસ સ્ટેશનના ઇન્ચાર્જ શૈલેન્દ્ર સિંહ તોમર, નાઇટ ઑફિસર સબ ઇન્સ્પેક્ટર સુબે સિંહ અને સંબંધિત બીટ પોલીસ ઓફિસર સબ ઇન્સ્પેક્ટર મોહિત સિંહને સસ્પેન્ડ કરી દીધા છે.
(1:48 PM IST)
છેલ્લા 8 દિવસમાં સૌથી લોકપ્રિય 
