બ્રાઝિલના દક્ષિણ રાજ્ય સાન્ટા કેટરીનામાં શનિવારે 21 મુસાફરોને લઈ જતા હોટ એર બલૂનમાં આગ લાગી ગઈ હતી. આ અકસ્માતમાં ઓછામાં ઓછા આઠ લોકોના મોત થયા છે.

સ્થાનિક ફાયર બ્રિગેટ વિભાગે આપેલી માહિતી પ્રમાણે પર્યટન ઉદ્દેશથી માટે ચલાવવામાં આવતા હોટ એર બલૂનમાં સવારે ઉડ્ડયન દરમિયાન આગ લાગી ગઈ હતી.

આ હોટ એર બલૂન ત્યારબાદ તે પ્રેયા ગ્રાન્ડે શહેરમાં ક્રેશ થયું હતું. આ અકસ્માતમાં 13 લોકો બચી ગયા હતા અને આઠ લોકોના મોત થયા હતા.

સ્થાનિક ગવર્નર જોર્ગિન્હો મેલોએ જણાવ્યું હતું કે બચાવ ટીમો ઘટનાસ્થળે અન્ય લોકોને શોધી રહી છે. અમે સૌ આ ઘટનાને લઈ ખૂબ જ આઘાતજનક સ્થિતિમાં છીએ. ફાયર વિભાગના જણાવ્યા પ્રમાણે 13 બચી ગયેલા લોકોને નજીકની હોસ્પિટલોમાં લઈ જવામાં આવ્યા હતા.