છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ઈરાનના હુમલાએ ઈઝરાયલને કલ્પનાતિક નુકશાન કર્યુ
અનેક શહેરોમાં ભૂક્કા બોલાવી દીધાઃ ખંઢેર જેવી સ્થિતીઃ એકાદ મોટો દાવો
નવી દિલ્હીઃ અમેરિકાઍ ઈરાની પરમાણુ ઠેકાણાઓ પર ભારે બોમ્બમારો કર્યો છે. અને ઈરાને અમેરિકાને બદલે ઇઝરાયલ સામે બદલો લીધો છે અને અનેક ઠેકાણાઓ પર મિસાઇલ હુમલા કર્યા છે. આ હુમલાઓમાં ઇઝરાયલને પણ ભારે નુકસાન થયું છે. ઇઝરાયલમાં ઈરાની હુમલાના ફોટા સોશિયલ મીડિયા પર ચર્ચાનો વિષય બન્યા છે.
યુએસ હવાઈ હુમલા પછી, ઇઝરાયલ સંરક્ષણ દળો (IDF) એ પુષ્ટિ આપી છે કે રવિવારે સવારે ઈરાને ઇઝરાયલ પર ૩૦ થી વધુ બેલિસ્ટિક મિસાઈલ છોડી હતી. આ હુમલાઓમાં લગભગ ૧૬ લોકો ઘાયલ થયા હોવાના અહેવાલ છે, જ્યારે ઘણી ઇમારતોને નુકસાન થયું છે.
ઇરાનના હુમલાઓમાં તેલ અવીવ, હાઇફા અને જેરુસલેમ સહિત અનેક મુખ્ય શહેરોને નિશાન બનાવવામાં આવ્યા છે. સ્થાનિક મીડિયા અનુસાર, તેલ અવીવ અને હાઇફામાં અનેક વિસ્ફોટો સાંભળવામાં આવ્યા હતા. આઇડીએફએ એક નિવેદનમાં જણાવ્યું હતું કે, ઇઝરાયલી સેનાએ ઇઝરાયલ તરફ જતી ઇરાની મિસાઇલોની સેકન્ડ જનરેશન શોધી કાઢી છે.ૅ આઇડીએફએ નાગરિકોને સુરક્ષા ચિંતાઓને કારણે સોશિયલ મીડિયા પર ફૂટેજ શેર ન કરવા વિનંતી કરી છે. આ સાથે, તેમને હુમલાના સ્થળો જાહેર કરવાનું ટાળવા પણ કહેવામાં આવ્યું છે
(12:20 PM IST)
