ઈરાને પોતાના પરમાણુ મથકો પર થયેલા હુમલાનો બદલો લેવા માટે કતારમાં અમેરિકાના અલ-ઉદેદ એર મિલિટરી બેઝ પર મિસાઈલ છોડી છે. દરમિયાન ઇઝરાયલી સેનાએ જણાવ્યું હતું કે પશ્ચિમી ઈરાનમાં અનેક સ્થળોએ લગભગ 15 ફાઇટર જેટ વિમાનોએ હવાઈ હુમલા કર્યા છે. આ હુમલાઓમાં ભૂગર્ભ લશ્કરી ઠેકાણાઓ, એક મિસાઇલ સ્ટોરેજ સેન્ટર અને એક ડ્રોન સ્ટોરેજ સેન્ટરને નિશાન બનાવવામાં આવ્યા હતા.

ઇઝરાયલી સેનાએ કહ્યું હતું કે આ હુમલાઓ એક મોટા ઓપરેશનનો ભાગ હતા. અગાઉ, મધ્ય ઈરાનમાં પણ હવાઈ હુમલા કરવામાં આવ્યા હતા અને ઘણા મિસાઇલ લોન્ચરનો નાશ કરવામાં આવ્યો હતો.