25 જૂન 2025: ભારત માટે એક ઐતિહાસિક અને ગૌરવપૂર્ણ ક્ષણ! ભારતીય અવકાશયાત્રી શુભાંશુ શુક્લા નું Axiom-4 મિશન અમેરિકાના ફ્લોરિડા સ્થિત કેનેડી સ્પેસ સેન્ટરથી સફળતાપૂર્વક લોન્ચ થઈ ગયું છે. આ સાથે જ શુભાંશુ શુક્લા રાકેશ શર્મા પછી અવકાશમાં જનાર બીજા ભારતીય બન્યા છે, જેમણે 1984માં સોવિયત યુનિયનના મિશન હેઠળ અવકાશ યાત્રા કરી હતી.

"મારો ઇંતઝાર કરજો, હું જરૂર પાછો આવીશ": માતા-પિતાને ભાવુક ફોન

અવકાશમાં રવાના થતા પહેલા, શુભાંશુ શુક્લાએ પોતાના માતા-પિતા સાથે ફોન પર વાત કરી હતી અને તેઓ ખૂબ જ ભાવુક દેખાઈ રહ્યા હતા. તેમણે પોતાના માતા-પિતાને ભાવુક શબ્દોમાં કહ્યું કે, "મારો ઇંતઝાર કરજો, હું જરૂર પાછો આવીશ." આ શબ્દોએ તેમના પરિવાર અને દેશવાસીઓની લાગણીઓને સ્પર્શી લીધી હતી.

આંતરરાષ્ટ્રીય અવકાશ સ્ટેશન પર વૈજ્ઞાનિક પ્રયોગો

આ Axiom-4 મિશનમાં શુભાંશુ શુક્લા ઉપરાંત હંગેરી, પોલેન્ડ અને અમેરિકાના ત્રણ અન્ય અવકાશયાત્રીઓ પણ સામેલ છે. આ ચારેય અવકાશયાત્રીઓ આગામી બે અઠવાડિયા સુધી આંતરરાષ્ટ્રીય અવકાશ સ્ટેશન (ISS) માં રહેશે. ISS પર રહીને તેઓ વિવિધ વૈજ્ઞાનિક પ્રયોગો અને સંશોધનોમાં ભાગ લેશે.