News of Friday, 27th June 2025
ચેન્નઈ ડ્રગ મામલે પોલીસે કરી અભિનેતા કૃષ્ણાની ધરપકડ

ચેન્નાઈ,તા.૨૭: પોલીસે તમિલ અભિનેતા કૃષ્ણા કુલશેખરનની ડ્રગ્સના ઉપયોગના આરોપમાં ધરપકડ કરી હતી. આ કેસ સાથે જોડાયેલા અન્ય લોકોની પૂછપરછ બાદ તેમની ધરપકડ કરવામાં આવી છે. આ કેસમાં અગાઉ ધરપકડ કરાયેલા લોકોમાં તેમના સાથી અભિનેતા શ્રીકાંત અને એક શંકાસ્પદ ડ્રગ ડીલરનો સમાવેશ થાય છે.
ચેન્નાઈ પોલીસ સૂત્રોના જણાવ્યા અનુસાર, આ અઠવાડિયાની શરૂઆતમાં પોલીસે અટકાયતમાં લીધેલા અભિનેતા શ્રીકાંતની પૂછપરછ દરમિયાન કળષ્ણનું નામ સામે આવ્યું હતું. શ્રીકાંતે તપાસકર્તાઓને જણાવ્યું હતું કે કળષ્ણ ઘણીવાર ચેન્નાઈમાં ખાનગી પાર્ટીઓમાં હાજરી આપતો હતો જ્યાં ડ્રગ્સનો ઉપયોગ થતો હતો.
કળષ્ણાની સાથે પોલીસે કેવિન નામના શંકાસ્પદ ડ્રગ ડીલરની પણ ધરપકડ કરી છે. સમગ્ર કેસમાં અત્યાર સુધીમાં ચાર લોકોની ધરપકડ કરવામાં આવી છે. પ્રથમ ધરપકડ કરાયેલા વ્યક્તિઓમાં AIADMK IT વિંગના ભૂતપૂર્વ કાર્યકારી પ્રસાદનો સમાવેશ થાય છે.
તપાસ પ્રદીપ નામના વ્યક્તિની ધરપકડ સાથે શરૂ થઈ હતી, જે શહેરમાં માદક દ્રવ્યોનો મુખ્ય સપ્લાયર માનવામાં આવે છે. પ્રદીપે કથિત રીતે પ્રસાદને ડ્રગ્સ સપ્લાય કર્યો હતો. પૂછપરછ દરમિયાન પોલીસે કોલીવુડ સેલિબ્રિટીઝ અને રાજકીય કાર્યકરો સાથે સંકળાયેલા એક મોટા ડ્રગ રેકેટનો પર્દાફાશ કર્યો હતો.
ચેન્નાઈ પોલીસે બેસંત નગરમાં કળષ્ણના ઘરે બે કલાક દરોડો પાડ્યો હતો અને પછી તેને કસ્ટડીમાં લીધો હતો. અહેવાલો સૂચવે છે કે કળષ્ણા અગાઉ પોલીસ સમન્સ ટાળીને કેરળ ભાગી ગયો હતો, ત્યારબાદ તેને પકડવા માટે ચાર ખાસ ટીમો બનાવવામાં આવી હતી.
તેની ધરપકડ પછી કળષ્ણાએ એક નિવેદન બહાર પાડીને માદક દ્રવ્યોમાં કોઈ પણ સંડોવણીનો ઇનકાર કર્યો હતો. તેણે મીડિયાને કહ્યું હતું કે ‘હું ડ્રગ્સનો વ્યસની નથી. મને હૃદય અને પેટની બીમારીઓ છે, તેથી હું આવા પદાર્થોનું સેવન કરી શકતો નથી.'
કળષ્ણા તમિલ ફિલ્મ નિર્માતા વિષ્ણુ વર્ધનના નાના ભાઈ છે અને તેમણે ઘણી તમિલ ફિલ્મોમાં અભિનય કર્યો છે.
(10:05 AM IST)









છેલ્લા 8 દિવસમાં સૌથી લોકપ્રિય 
