<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 28th June 2025

ધારવાડથી બેંગલુરુ જતી વંદે ભારત એક્સપ્રેસ ટ્રેનમાં ટેક્નિકલ ખામી સર્જાતા તાત્કાલિક રોકી દેવાઈ : તમામ મુસાફરો સુરક્ષિત

અમરાવતી કોલોની નજીક એક LC ગેટકીપરને અચાનક ટ્રેનના C4 કોચમાં ગરમ એક્સેલની સમસ્યા દેખાતા તાત્કાલિક રસ્તામાં જ રોકવી પડી

ધારવાડથી બેંગલુરુ જતી વંદે ભારત એક્સપ્રેસ (ટ્રેન નંબર 20662) ને આજે રસ્તામાં જ રોકવી પડી હતી. અહેવાલો અનુસાર, ટ્રેનના મુસાફરોને ત્યાર બાદ અન્ય ટ્રેનો દ્વારા તેમના નક્કી કરેલા સ્થાને મોકલવામાં આવ્યા હતા. શુક્રવારે બપોરે લગભગ 3:30 વાગ્યે આ ટ્રેન દાવણગેરે સ્ટેશન પર રોકાઈ હતી. એવું કહેવામાં આવી રહ્યું છે કે અમરાવતી કોલોની નજીક એક LC ગેટકીપરને અચાનક ટ્રેનના C4 કોચમાં ગરમ એક્સેલની સમસ્યા જોવા મળી, જેના પછી તાત્કાલિક આ પગલું લેવામાં આવ્યું હતું 

રેલ્વેના મુસાફરોની સુવિધા માટે તાત્કાલિક વૈકલ્પિક વ્યવસ્થા કરવામાં આવી હતી અને તેમને અન્ય ટ્રેનો દ્વારા તેમના ગંતવ્ય સ્થાન પર મોકલવામાં આવ્યા હતા. અધિકારીઓએ જણાવ્યું હતું કે ટ્રેનમાં મુસાફરી કરી રહેલા 502 મુસાફરોને જન શતાબ્દી એક્સપ્રેસ (ટ્રેન નંબર 12080) અને જોધપુર એક્સપ્રેસ (ટ્રેન નંબર 15507) દ્વારા બેંગલુરુ મોકલવામાં આવ્યા હતા. મુસાફરોને કોઈ અસુવિધા ન થાય તે માટે, આર્સીકેરે સ્ટેશન પર તેમને ખોરાક અને નાસ્તો પણ ઉપલબ્ધ કરાવવામાં આવ્યો હતો. 

લવેએ એ પણ સુનિશ્ચિત કર્યું કે વૈકલ્પિક ટ્રેનોમાં મુસાફરી કરનારા મુસાફરોને ભાડા પરત કરવામાં આવે. આ રિફંડ પ્રક્રિયા બેંગલુરુ પહોંચ્યા પછી શરૂ કરવામાં આવશે. રેલવે અધિકારીઓએ મુસાફરોને શક્ય તેટલી મદદ અને માર્ગદર્શન પૂરું પાડ્યું હતું,

(12:50 AM IST)