ક્રિકેટ મેચમાં સિક્સર ફટકારી ઢળી પડયો ખેલાડીઃ હાર્ટ એટેકથી મૃત્યુ
ચંદીગઢ,તા.૩૦: પંજાબના ફિરોઝપુરના ગુરુ હર સહાય શહેરમાં એક સ્થાનિક ક્રિકેટ મેચ દરમિયાન દુઃખદ ઘટના બની હતી. ક્રિકેટ રમતી વખતે એક વ્યક્તિ છગ્ગો માર્યા અને તે જમીન પર જ પછી પડી ગયો. આ દરમિયાન માહિતી મળી કે તેનું મોત થયું છે અને આ ઘટના દુઃખદ બની ગઈ. DAV સ્કૂલના મેદાનમાં બનેલી આ ઘટનાનો સંપૂર્ણ વીડિયો મોબાઇલ ફોનના કેમેરામાં રેકોર્ડ કરવામાં આવ્યો હતો જે હવે સોશિયલ મીડિયા પર વાયરલ થઈ રહ્યો છે
મીડિયા અહેવાલ મુજબ, આ ઘટનામાં મળત્યુ પામેલા વ્યક્તિનું નામ હરજીત સિંહ છે જે વ્યવસાયે સુથાર હતો. વીડિયોમાં, સિંહ સફેદ અને કાળા ટી-શર્ટમાં જોવા મળી રહ્યો છે. છગ્ગો માર્યા પછી, તે થોડીવાર આરામ કરતો જોવા મળે છે. જોકે, તે પછી છાતીમાં દુઃખાવાની ફરિયાદ સાથે જમીન પર પડી ગયો હતો. મેદાન પર રહેલા સાથી ખેલાડીઓ ઝડપથી તેની મદદ માટે દોડી ગયા અને તેનો જીવ બચાવવા તેને CPR આપવાનો પ્રયાસ કર્યો, પરંતુ તેમના પ્રયાસો નિરર્થક રહ્યા. તબીબી સહાય પહોંચે ત્યાં સુધીમાં સિંહનું મળત્યુ થઈ ગયું હતું. પ્રારંભિક અહેવાલો સૂચવે છે કે મળત્યુનું કારણ અચાનક હૃદયરોગનો હુમલો (હાર્ટ એટેક) હતો. આ વીડિયો સ્થાનિક સ્પોર્ટ્સના મેળાવડામાં તાત્કાલિક તબીબી સહાયનો અભાવ દર્શાવે છે. સ્થાનિક વહીવટીતંત્રે હજી સુધી સત્તાવાર નિવેદન બહાર પાડ્યું નથી.(૪૦.૧૪)
(10:12 AM IST)
છેલ્લા 8 દિવસમાં સૌથી લોકપ્રિય 
