ગુજરાતના શહેરોમાં હવે ગાડીઓ માટે સ્પીડ લિમિટ નક્કી કરવામાં આવશે
સ્ટેટ અર્બન ડેવલપમેન્ટ ડિપાર્ટમેન્ટ દ્વારા શહેરના રસ્તાઓ પર સ્પીડ લિમિટ માટેના નિયમોને અંતિમ સ્વરૂપ આપી રહ્યો છે
હવે ભીડભાડવાળા રસ્તાઓ પર સ્પીડ લિમિટ ઘટાડીને ૩૦ કિમી પ્રતિ કલાક કરવામાં આવશે અને પહોળા રસ્તાઓ પર ૪૫થી ૬૦ કિમી પ્રતિ કલાકની સ્પીડ રહેશે
નવી દિલ્હી, તા.૧: ગુજરાતના શહેરોમાં હવે ગાડીઓ માટે સ્પીડ લિમિટ નક્કી કરવામાં આવશે. સ્ટેટ અર્બન ડેવલપમેન્ટ ડિપાર્ટમેન્ટ દ્વારા શહેરના રસ્તાઓ પર સ્પીડ લિમિટ માટેના નિયમોને અંતિમ સ્વરૂપ આપી રહ્યો છે. છેલ્લા એક દાયકામાં ગુજરાતમાં રોડ એક્સિડેન્ટની સંખ્યા સતત વધીર રહી છે, અને તેમાં ૭૫,૭૩૮ લોકોના મોત થયા છે. સરકારી સૂત્રોના જણાવ્યા પ્રમાણે હવે ભીડભાડવાળા રસ્તાઓ પર સ્પીડ લિમિટ ઘટાડીને ૩૦ કિમી પ્રતિ કલાક કરવામાં આવશે, અને પહોળા રસ્તાઓ પર ૪૫થી ૬૦ કિમી પ્રતિ કલાકની સ્પીડ રહેશે.
ડિસેમ્બર ૨૦૨૪માં સંસદમાં રજૂ કરવામાં આવેલા કેન્દ્ર સરકારના ડેટા પ્રમાણે ૨૦૧૩ અને ૨૦૨૨ વચ્ચે રોડ એક્સિડેન્ટમાં ગુજરાત આઠમું સૌથી ઘાતક રાજ્ય બન્યું હતું. ત્યારબાદ આ અંગે રાજ્ય સરકારે ચિંતા વ્યક્ત કરતા તેના માટે એક ઉચ્ચ સ્તરીય સમિતિ બનાવી હતી, અને આ સમિતિની ભલામણો બાદ સ્પીડ લિમિટ નક્કી કરવામાં આવી રહી છે.
ડિપાર્ટમેન્ટના અધિકારીઓ શહેરોમાં રોડ સેફ્ટી એટલે કે માર્ગ સલામતીને પ્રાથમિકતા આપવા માટે જનરલ ડેવલપમેન્ટ કંટ્રોલ રૂલ્સમાં સુધારો કરી રહ્યા છે. નવી ફ્રેમવર્ક દિવસ દરમિયાન રસ્તાની પહોળાઈ, ટ્રાફિક ગીચતા અને સમયના આધારે સ્પીડ લિમિટ નક્કી કરશે.
૨૦૨૨માં રાજ્ય સરકારે વિવિધ પ્રકારના વાહનો માટે સ્પીડ લિમિટ જાહેર કરી હતી, અને તે સમયે કહેવામાં આવ્યું હતું કે શહેરની હદમાં કારની સ્પીડ ૭૦ કિમી પ્રતિ કલાકથી વધુ ન હોઈ શકે. જ્યારે ૧૦૦ સીસીથી વધુ ડિસ્પ્લેસમેન્ટ ધરાવતી મોટરસાયકલ માટે સ્પીડ લિમિટ ૬૦ કિમી પ્રતિ કલાક અને ૧૦૦ સીસીથી ઓછીની મોટરસાયકલ માટે ૫૦ કિમી પ્રતિ કલાકની લિમિટ નક્કી કરવામાં આવી હતી. એક્સપ્રેસવે પર કારની સ્પીડ લિમિટ ૧૨૦ કિમી પ્રતિ કલાક, ડિવાઈડર અને ચાર કે તેથી વધુ લેનવાળા હાઈવે પર ૧૦૦ કિમી પ્રતિ કલાક અને સ્ટેટ હાઈવે પર ૮૦ કિમી પ્રતિ કલાકની સ્પીડ નક્કી કરવામાં આવી હતી.
અર્બન ડેવલપમેન્ટ ડિપાર્ટમેન્ટના એક સિનિયર અધિકારીએ જણાવ્યું હતું કે, શહેરોમાં સ્પીડ લિમિટ માર્ગ સલામતી સુનિﾍતિ કરવામાં મહત્વની ભૂમિકા ભજવે છે, કેમ કે વધારે સ્પીડથી ચાલતા વાહનોને લીધે ગંભીર અકસ્માતોનું જોખમ વધી જાય છે. ૮૦ કિમી પ્રતિ કલાકની ઝડપે એક્સિડેન્ટમાં મોતની સંભાવના ૩૦ કિમી પ્રતિ કલાકની સ્પીડ કરતાં ૨૦ ગણી વધારે છે. (રર.૧૫)
(2:56 PM IST)
છેલ્લા 8 દિવસમાં સૌથી લોકપ્રિય 
