છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ડાયરેક્ટ વોટ્સએપમાં જ ડોકયુમેન્ટ સ્કેન કરીને PDF બનાવી શકાશે
મુંબઈ, તા.૪: અત્યાર સુધી કોઈ ડૉકયુમેન્ટ કે ફોટો સ્કૅન કરવો હોય તો એ માટે અલગથી ઍપ ડાઉનલોડ કરવી પડતી હતી, પરંતુ હવે આ ફીચર વૉટ્સઍપમાં પણ ઉપલબ્ધ થઈ ગયું છે. આ ફીચર વાપરીને વૉટ્સઍપમાં જ ડૉકયુમેન્ટ્સ સ્કૅન કરીને પોર્ટેબલ ડૉકયુમેન્ટ ફૉર્મેટ ફાઇન બનાવી શકાશે.
વૉટ્સઍપના નવાં ફીચર્સ ટ્રૅક કરનારી વેબસાઇટના રિપોર્ટ મુજબ વૉટ્સઍપ પર ડૉકયુમેન્ટ સ્કૅન કરવાનું ફીચર આવી ગયું છે. ઍન્ડ્રૉઇડ બીટા ટેસ્ટર્સ માટે આ નવું ફીચર આવ્યું છે જેમાં કોઈ પણ ડૉકયુમેન્ટ કે ફોટોને સ્કૅન કરી શકાશે. છેલ્લા થોડા મહિનાઓથી ઍપલના ફોનમાં આ ફીચર ઉપલબ્ધ હતું. ગૂગલ પ્લેસ્ટોરમાંથી વૉટ્સઍપનું લેટેસ્ટ અપડેટ ડાઉનલોડ કરવાથી આ ફીચર કાર્યરત થઈ જશે.
(4:09 PM IST)
