નવી દિલ્હી :આજે, ૬ જુલાઈના રોજ, ભારતમાં સૌથી મોટા ટેલિકોમ ઓપરેટરોમાંના એક, રિલાયન્સ જીઓનું નેટવર્ક અચાનક દેશભરમાં ખોરવાઈ ગયું છે. યુઝર્સે મોબાઈલ ઇન્ટરનેટ, કોલિંગ અને જીઓફાઈબર  સેવાઓમાં વ્યાપક સમસ્યાઓની ફરિયાદ કરી છે. ખાસ કરીને કેરળમાં આ આઉટેજની સૌથી વધુ અસર જોવા મળી છે, પરંતુ દિલ્હી, મુંબઈ, બેંગલુરુ, હૈદરાબાદ, અને કોલકાતા જેવા મોટા શહેરોમાંથી પણ ફરિયાદો મળી રહી છે.

 કોલ ન લાગવા: અનેક યુઝર્સે ફોન ન લાગવાની અને વારંવાર કોલ ડ્રોપ થવાની ફરિયાદ કરી છે.

 ઈન્ટનેટ  ખોરવાવું: મોબાઇલ ડેટા અને જીઓફાઈબર બંનેમાં ઇન્ટરનેટ કનેક્ટિવિટીની સમસ્યાઓ મોટા પાયે જોવા મળી છે. ઘણા યુઝર્સે તેમના ફોનમાં "નો સર્વિસ"  અથવા સિગ્નલ ન આવવાના સ્ક્રીનશોટ શેર કર્યા છે.

સોશિયલ મીડિયા પર રોષ: યુઝર્સે સોશિયલ મીડિયા પ્લેટફોર્મ 'એક્સ' (અગાઉ ટ્વિટર) પર "જિયો ડાઉન" જેવા હેશટેગ્સ સાથે પોતાની નારાજગી વ્યક્ત કરી છે. ઘણા લોકોએ જીઓના સત્તાવાર એકાઉન્ટ્સને ટેગ કરીને સમસ્યાના ઉકેલની માંગ કરી છે.

સમસ્યાનો વ્યાપ: આઉટેજ ટ્રેકિંગ પ્લેટફોર્મ્સ અનુસાર, હજારો યુઝર્સે રિપોર્ટ કર્યા છે, જેમાં મોટાભાગની ફરિયાદો મોબાઇલ ઇન્ટરનેટ અને કોલિંગ સંબંધિત છે.

આ સમસ્યા આજે બપોરના ૧ વાગ્યા આસપાસ શરૂ થઈ હોવાનું જણાઈ રહ્યું છે.
 હજુ સુધી રિલાયન્સ જીઓ તરફથી આ આઉટેજનું સત્તાવાર કારણ કે સમસ્યાના નિરાકરણ અંગે કોઈ સ્પષ્ટ નિવેદન બહાર પાડવામાં આવ્યું નથી.
નિષ્ણાતોનું માનવું છે કે આ સમસ્યા કોઈ બેકએન્ડ ગ્લિચ, ટેકનિકલ અપડેટની ખામી, અથવા સિસ્ટમમાં કોઈ મોટી ભૂલને કારણે થઈ શકે છે.
યુઝર્સને હાલમાં તેમના ડિવાઇસને રીસ્ટાર્ટ કરવા અથવા એરપ્લેન મોડ ચાલુ-બંધ કરીને નેટવર્ક રી-રજીસ્ટર કરવાનો પ્રયાસ કરવાની સલાહ આપવામાં આવી છે.
જોકે, મોટા પાયે આઉટેજ હોવાથી સમસ્યા જીઓ પ્રદાતાના એન્ડ તરફ હોવાની શક્યતા વધુ છે અને સેવાઓ સામાન્ય થવા માટે રાહ જોવી પડી શકે છે.
આશ્ચર્યજનક એવી વિગતો બહાર આવી છે કે ફાઈવ જી નેટવર્ક ખોરવાઈ ગયું છે ૬જ્યારે ફોર જી કનેક્શન જેમના છે  તેમના મોબાઈલ ચાલુ છે..