રાંચી,તા.૮

સરકારી શાળામાં પરીક્ષા લેવામાં આવી રહી હતી. આ દરમિયાન ધ્યાને આવ્યું કે, પેપરમાં પ્રશ્નની જગ્યાએ જવાબ આપવામાં આવ્યો છે. આ ઘટના સામે આવતા બાળકો અને શિક્ષકો ચોંકી ગયા હતા. જોકે, ભૂલ સુધારતીને એક નવો પ્રશ્ન અપલોડ કરવામાં આવ્યો હતો અને પરીક્ષા ફરીથી લેવામાં આવી હતી.જો તમે પરીક્ષા આપી રહ્યા છો અને તમને પ્રશ્નપત્રમાં પ્રશ્નને બદલે જવાબ મળે છે, તો તમે શું કરશો? કેટલાક બાળકો ખુશ પણ થશે કે, ઓછામાં ઓછું તેમને બેઠા-બેઠા બધું મળી ગયું છે. પરંતુ સામાન્ય રીતે આવી ભૂલ થતી નથી અને જો તે થાય તો તે જલદીથી સુધારી લેવામાં આવે છે. સોમવારે રાંચીની એક સરકારી શાળાના પ્રોજેક્ટ રેલ પરીક્ષાના પ્રશ્નપત્રમાં પણ આવો જ કિસ્સો જોવા મળ્યો હતો. જણાવી દઈએ કે, પ્રોજેક્ટ રેલ હેઠળની સરકારી શાળામાં દર મહિને એક પરીક્ષા લેવામાં આવે છે, જ્યાં બાળકો ગુરુજી એપ દ્વારા પ્રશ્નો જોઈને જવાબ આપે છે. પરંતુ આ પરીક્ષામાં, પ્રશ્નને બદલે આખો જવાબ અપલોડ કરવામાં આવતા શિક્ષકો તેમજ બાળકો પણ ચોંકી ગયા હતા. આ સામે આવતા જ તમામ બાળકો ચોંકી ગયા હતા. જોકે, પ્રસાશન દ્વારા તરત જ એક નવો પ્રશ્ન અપલોડ કરવામાં આવ્યો હતો. જણાવી દઈએ કે, રાંચીની એક શાળામાં સોમવારે ત્રણ વિષયોની પરીક્ષા લેવાની હતી, જેમાં છઠ્ઠાથી આઠમા ધોરણ સુધી હિન્દી, વિજ્ઞાન અને સામાજિક વિજ્ઞાનનો સમાવેશ થતો હતો. તેવી જ રીતે, ધોરણ ૩ થી પાંચમાં ઈફજી અને અંગ્રેજી અને ધોરણ ૧ અને ૨ માં હિન્દી અને ગણિતનો સમાવેશ થતો હતો. જોકે, આ ભૂલ સુધારી લેવામાં આવી હતી અને પછી સોમવારે પરીક્ષા લેવામાં આવી હતી આવી સ્થિતિમાં, ઝારખંડ શૈક્ષણિક સંશોધન અને તાલીમ પરિષદ, રાંચીની ભૂલથી શાળાના શિક્ષકો તેમજ વિદ્યાર્થીઓ પર અસર પડી હતી. આનાથી સોમવારની પરીક્ષા માટે શિક્ષકોનું કામ વધી ગયું અને શિક્ષકોએ એપમાં બહાર પાડવામાં આવેલા જવાબો જોઈને પ્રશ્નો જાતે તૈયાર કરવા પડ્યા હતા જ્યારે આ બાબતની માહિતી રાંચી પહોંચી, ત્યારે ત્નઝ્રઈઇ્ એ ભૂલ સુધારી અને રવિવારે રાત્રે એક નવો પ્રશ્ન અપલોડ કર્યો હતો. ત્યારબાદ, સોમવારે પ્રશ્નપત્રના આધારે માસિક પરીક્ષા લેવામાં આવી હતી. આ વિષય શિક્ષકોમાં આ બાબતને લઈને ચર્ચામાં રહ્યો હતો. બાળકોને પણ આ જોઈને ખૂબ આનંદ થયો અને થોડા સમય માટે શાળામાં રમૂજી માહોલ છવાઈ ગયો હતો. બાળકોએ કહ્યું હતું કે, 'પેપરમાં જવાબ આપ્યો છે, પ્રશ્ન અમે જાતે નક્કી કરી લઈશું, ટીચર ચિંતા ન કરતા