નવી દિલ્હી તા.૧૦ : ઉત્તર પ્રદેશમાં ફરી એકવાર ઓળખ છુપાવીને ઢાબા ચલાવવાનો કિસ્સો પ્રકાશમાં આવ્યો છે. રાજ્યના મુરાદાબાદ-લખનૌ હાઇવે પર થાણા મુંડાપાંડે હેઠળ ચાલતા નીલકંઠ ફેમિલી ઢાબાના માલિક શરાફત હુસૈન છે. ફૂડ સેફ્ટી વિભાગના ચેકિંગ દરમિયાન આ સત્ય સામે આવ્યું છે. ફૂડ સેફ્ટી વિભાગના આસિસ્ટન્ટ કમિશનરે હોટલ ઓપરેટર શરાફત હુસૈનને કડક ચેતવણી આપી છે. હોટલ ઓપરેટરને નામ બદલવા માટે કહેવામાં આવ્યું છે નહીંતર હોટેલ બંધ કરી દેવામાં આવશે.

ઢાબાની વાસ્તવિકતા કેવી રીતે સામે આવી?

મુરાદાબાદ-લખનૌ હાઇવે 9 એ કાવડ યાત્રા રૂટ છે. કાવડીઓ આ રૂટથી બરેલી સુધી મુસાફરી કરે છે. ફૂડ સેફ્ટી વિભાગના આસિસ્ટન્ટ કમિશનર તેમની ટીમ સાથે ફૂડ સેફ્ટી કનેક્ટ એપનું ફોર્મ/સ્ટીકર ભરી રહ્યા હતા અને હોટલ અને ઢાબાની સાચી ઓળખ અને ગુણવત્તાની માહિતી બહાર લાવવા માટે તેને તમામ હોટલ અને ઢાબા પર ચોંટાડી રહ્યા હતા. આ સમય દરમિયાન કાવડ રૂટ પર ચાલતા નીલકંઠ ફેમિલી ઢાબાની વાસ્તવિકતા પ્રકાશમાં આવી હતી.

ઢાબા સંચાલકે કરી આજીજી

જેમ જેમ ફૂડ સેફ્ટી વિભાગના આસિસ્ટન્ટ કમિશનર નીલકંઠ ફેમિલી ઢાબા પહોંચ્યા અને લાઇસન્સ માંગ્યું, હોટેલનું નામ નીલકંઠ ફેમિલી ઢાબા હતું પરંતુ માલિક છુટ્ટનનો પુત્ર શરાફત હોવાનું બહાર આવ્યું. સત્ય બહાર આવતાની સાથે જ ભગવાન શિવના નામે ચાલતા આ ઢાબાના માલિક શરાફતે અધિકારી સમક્ષ આજીજી શરૂ કરી અને કહ્યું, સાહેબ, અમે નામ બદલીશું.

ઢાબા સંચાલક પાસે છે બે વિકલ્પો

હાલમાં સત્ય બહાર આવ્યા પછી ફૂડ સેફ્ટી વિભાગના આસિસ્ટન્ટ કમિશનરે મુખ્યમંત્રીના આદેશનું પાલન કરીને ઢાબા સંચાલકને કડક સૂચના આપી છે અને FOOD SAFETY CONNECT APP ના સ્ટીકર પર તેમની વાસ્તવિક ઓળખ લખીને ત્યાં પેસ્ટ કરી દીધી છે. તેમને નીલકંઠ ફેમિલી ઢાબાના નામ અંગે પણ કડક સૂચના આપવામાં આવી છે. આસિસ્ટન્ટ કમિશનર રાજવંશ શ્રીવાસ્તવનું કહેવું છે કે તેઓ નોંધાયેલા છે, ફૂડ સેફ્ટી કનેક્ટ એપ અહીં પેસ્ટ કરવામાં આવી છે. તેમના ઢાબાનું નામ નીલકંઠ છે પરંતુ માલિકનું નામ શરાફત છે. તેમને કહેવામાં આવ્યું છે કે કાં તો તેઓએ નામ બદલવું જોઈએ અથવા આ ઢાબો બંધ કરી દેવો જોઈએ.