છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ષડયંત્ર કે ભાંગફોડની શકયતા નકારાઈઃ ચેતવણી અવગણવામાં આવીઃ ટેકનીકલ ખામી મુખ્ય કારણ
અમદાવાદ વિમાન દુર્ઘટનાઃ આ છે તપાસનો નિષ્કર્ષ
નવી દિલ્હી, તા.૧૨: અમદાવાદ વિમાન દુર્ઘટના બાદ AAIBનો તપાસ રિપોર્ટ બહાર આવ્યો છે. જોકે, આ એક પ્રારંભિક રિપોર્ટ છે. AAIBનો આ તપાસ અહેવાલ શુક્રવાર-શનિવાર રાત્રે ૧ વાગ્યા પછી જાહેર કરવામાં આવ્યો હતો. આ રિપોર્ટ સૂચવે છે કે એન્જિન બંધ થવાનું કારણ કોઈ ટેકનિકલ ખામી અથવા સિસ્ટમમાં સમસ્યા હોઈ શકે છે. AAIB એ એમ પણ કહ્યું કે પ્રારંભિક તપાસમાં વિમાનમાં કોઈ કાવતરું કે તોડફોડના કોઈ સ્પષ્ટ પુરાવા મળ્યા નથી.
૧૨ જૂનના રોજ અમદાવાદથી લંડન જતી એર ઇન્ડિયાની ફ્લાઇટ ૧૭૧ ક્રેશ થઈ ગઈ હતી. આ ભયાનક અકસ્માતમાં, વિમાનમાં સવાર ૨૪૨ લોકોમાંથી ૨૪૧ લોકોના મોત થયા હતા. હવે આ વિમાન દુર્ઘટનાનો પ્રારંભિક તપાસ અહેવાલ બહાર આવ્યો છે. AAIBનો આ તપાસ અહેવાલ શુક્રવાર-શનિવાર રાત્રે ૧ વાગ્યા પછી જાહેર કરવામાં આવ્યો હતો.
રિપોર્ટમાં કહેવામાં આવ્યું છે કે અકસ્માત પછી થ્રસ્ટ લિવર (જે એન્જિન પાવરને નિયંત્રિત કરે છે) નિષ્ક્રિય સ્થિતિની નજીક મળી આવ્યા હતા, પરંતુ બ્લેક બોક્સ ડેટા દર્શાવે છે કે અથડામણ સમયે આ લિવર આગળની સ્થિતિમાં હતા. તે સમયે બંને ફયુઅલ કંટ્રોલ સ્વીચો પણ ય્શ્ફ મોડમાં હતા.
તપાસમાં રહેલી એક મોટી શંકા પણ હવે દૂર થઈ ગઈ છે. રિપોર્ટમાં સ્પષ્ટતા કરવામાં આવી છે કે ટેકઓફ સમયે, ફ્લૅપ સેટિંગ (૫ ડિગ્રી પર) અને લેન્ડિંગ ગિયર લીવર પોઝિશન (નીચે) એકદમ સામાન્ય અને ધોરણ મુજબ હતી. AAIB એ એમ પણ કહ્યું કે પ્રારંભિક તપાસમાં વિમાનમાં કોઈ કાવતરું કે તોડફોડના કોઈ સ્પષ્ટ પુરાવા મળ્યા નથી.
રિપોર્ટમાં એમ પણ કહેવામાં આવ્યું છે કે યુએસ ફેડરલ એવિએશન ઓથોરિટી એ ડિસેમ્બર ૨૦૧૮ માં ફયુઅલ કંટ્રોલ સ્વીચ અંગે ચેતવણી જારી કરી હતી. FAA એ કહ્યું હતું કે કેટલાક બોઇંગ ૭૩૭ એરક્રાફ્ટમાં ફયુઅલ કંટ્રોલ સ્વીચનું લોકીંગ ફીચર નિષ્ક્રિય સ્થિતિમાં જોવા મળ્યું હતું. જોકે, FAA એ ફરજિયાત ટેકનિકલ સૂચના જારી કરવા માટે તેને પૂરતું ગંભીર માન્યું ન હતું.
FAA તરફથી આ ચેતવણી ફક્ત સલાહકારના રૂપમાં હતી, તેથી એર ઇન્ડિયાએ આ સંદર્ભમાં કોઈ તપાસ હાથ ધરી ન હતી. રિપોર્ટ અનુસાર, VT-ANB એરક્રાફ્ટ પર થ્રોટલ કંટ્રોલ મોડ્યુલ ૨૦૧૯ અને ૨૦૨૩ માં બદલવામાં આવ્યું હતું, પરંતુ તેનો ફયુઅલ કંટ્રોલ સ્વીચ સાથે કોઈ સંબંધ નહોતો. ૨૦૨૩ થી અત્યાર સુધી આ સ્વીચમાં કોઈ ખામી હોવાના કોઈ અહેવાલ નથી. તેનો અર્થ એ કે હાલમાં રિપોર્ટમાં કોઈ ટેકનિકલ ખામી કે તોડફોડનું કોઈ નક્કર કારણ બહાર આવ્યું નથી, પરંતુ તપાસ હજુ ચાલુ છે.
AAIBનો આ તપાસ અહેવાલ શુક્રવાર-શનિવાર રાત્રે ૧ વાગ્યા પછી જાહેર કરવામાં આવ્યો હતો. અમદાવાદ એર ઇન્ડિયા વિમાન દુર્ઘટનામાં ખ્ખ્ત્ગ્નો આ પ્રારંભિક અહેવાલ છે, પરંતુ તે સ્પષ્ટપણે સૂચવે છે કે એન્જિન બંધ થવાનું કારણ કોઈ ટેકનિકલ ખામી અથવા સિસ્ટમમાં ખામી હોઈ શકે છે. આ મામલાની વિગતવાર તપાસ ચાલી રહી હોવાનું જણાવવામાં આવ્યું છે.
એર ઇન્ડિયાએ AI૧૭૧ વિમાન દુર્ઘટનામાં જીવ ગુમાવનારા અને અસરગ્રસ્ત લોકોના પરિવારો પ્રત્યે સંવેદના વ્યક્ત કરી છે. કંપનીએ કહ્યું, આ દુઃખની ઘડીમાં અમે પરિવારોની સાથે છીએ અને શકય તેટલી મદદ પૂરી પાડી રહ્યા છીએ. એર ઇન્ડિયાએ આજે ૧૨ જુલાઈ ૨૦૨૫ ના રોજ જાહેર કરાયેલા પ્રારંભિક તપાસ અહેવાલની પુષ્ટિ કરી છે. તેમણે એમ પણ કહ્યું કે તેઓ નિયમનકારો અને અન્ય એજન્સીઓ સાથે સતત સંપર્કમાં છે. એરલાઇને જણાવ્યું હતું કે અકસ્માતની હજુ તપાસ ચાલી રહી છે તેથી તે હાલમાં કોઈપણ ટેકનિકલ વિગતો પર ટિપ્પણી કરશે નહીં. એરલાઇન્સે બધા પ્રશ્નો AAIB ને મોકલવા વિનંતી કરી છે.
(12:19 PM IST)
