વડાપ્રધાન મોદીએ ૫૧ હજાર યુવાનોને નિમણુક પત્ર સોંપ્યા : ૪૭ શહેરોમાં રોજગાર મેળાનું આયોજન
વીડિયો કોન્ફરન્સિગ દ્વારા ૧૬માં રોજગાર મેળામાં વડાપ્રધાને યુવાઓને કર્યુ સંબોધન રાષ્ટ્ર નિર્માણમાં યુવાનોની મહત્વની ભૂમિકા : સ્ટાર્ટઅપથી જુસ્સો વધ્યો
નવી દિલ્હી, તા.૧૨: દેશના યુવાનોને સરકારી નોકરીઓમાં વધુ સારી તકો આપવા તરફ વધુ એક મોટું પગલું ભરવામાં આવ્યું છે. વડાપ્રધાન નરેન્દ્ર મોદીએ વીડિયો કોન્ફરન્સિંગ દ્વારા ૧૬મા રોજગાર મેળા હેઠળ દેશભરમાં ૪૭ અલગ અલગ સ્થળોએ આયોજિત કાર્યક્રમોમાં ૫૧,૦૦૦ થી વધુ યુવાનોને નિમણૂક પત્રો સોંપ્યા. આ દરમિયાન, પીએમ મોદીએ યુવાનોને સીધા સંબોધન કર્યું અને તેમને દેશના વિકાસમાં ભાગીદાર બનવા હાકલ કરી.
વડાપ્રધાન નરેન્દ્ર મોદીએ વીડિયો કોન્ફરન્સિંગ દ્વારા ૧૬મા રોજગાર મેળાનું ઉદઘાટન કર્યું. આ દરમિયાન પીએમ મોદીએ ૫૧,૦૦૦ થી વધુ યુવાનોને રોજગાર આપ્યો. આ દરમિયાન પીએમ મોદીએ કહ્યું કે, અમારું લક્ષ્ય એ છે કે રોજગાર મેળા દ્વારા લાખો યુવાનોને ‘કોઈપણ કાપલી વગર, કોઈપણ ખર્ચ વગર' નોકરી મળી શકે.
પીએમ મોદીએ કહ્યું કે રોજગાર મેળા દ્વારા લાખો યુવાનોને ભારત સરકારમાં કાયમી નોકરીઓ મળી છે. આ યુવાનો રાષ્ટ્ર નિર્માણમાં મોટી ભૂમિકા ભજવી રહ્યા છે. વિપક્ષ પર કટાક્ષ કરતા પીએમ મોદીએ કહ્યું કે, ‘કોઈપણ કાપલી વગર, કોઈપણ ખર્ચ વગર આપણી ઓળખ છે.'
સરકારી સેવાઓને નવી ઉર્જા મળશેઃ વડાપ્રધાન કાર્યાલય (PIB) અનુસાર, નિમણૂક પામેલા યુવાનોને દેશના વિવિધ ભાગોમાંથી પસંદ કરવામાં આવ્યા છે અને તેમને રેલ્વે મંત્રાલય, ગળહ મંત્રાલય, પોસ્ટ વિભાગ, આરોગ્ય અને પરિવાર કલ્યાણ મંત્રાલય, નાણાકીય સેવાઓ વિભાગ, શ્રમ અને રોજગાર મંત્રાલય જેવા ઘણા મહત્વપૂર્ણ વિભાગોમાં નિમણૂક કરવામાં આવશે. આનાથી સરકારી સેવાઓની ગુણવત્તા અને માળખાગત સુવિધામાં સુધારો થશે જ નહીં પરંતુ વહીવટમાં નવી ઉર્જા અને પ્રતિબદ્ધતા પણ આવશે.
કાર્યક્રમ દરમિયાન પીએમ મોદીએ યુવાનોને કહ્યું, ‘યુવાઓ દેશનું ભવિષ્ય છે. સરકારનું લક્ષ્ય વધુને વધુ યુવાનોને આગળ વધવાની તક આપવાનું છે.' તેમણે જણાવ્યું કે સરકાર સતત ઁમિશન મોડઁમાં કામ કરી રહી છે જેથી વધુને વધુ યુવાનોને રોજગારી મળી શકે.
વડાપ્રધાનએ કહ્યું કે આજે આખી દુનિયા ભારતની યુવા શક્તિ અને પ્રતિભાની પ્રશંસા કરી રહી છે. ભારતનું ઉત્પાદન ક્ષેત્ર ઝડપથી વિકસી રહ્યું છે. મેક ઇન ઇન્ડિયા અને પીએલઆઈ યોજના દ્વારા ૧૧ લાખથી વધુ રોજગારીની તકો ઉભી થઈ છે. તેમણે કહ્યું કે ઇલેક્ટ્રોનિક ઉત્પાદનમાં ૧૧ લાખ કરોડ રૂપિયાથી વધુનું ઉત્પાદન થઈ રહ્યું છે અને ભારત હવે વિશ્વનો સૌથી મોટો લોકોમોટિવ ઉત્પાદક દેશ બની ગયો છે.
વડાપ્રધાનએ કહ્યું કે તાજેતરના ILO રિપોર્ટ મુજબ, ભારતે છેલ્લા દાયકામાં ૯૦ કરોડ નાગરિકોને કલ્યાણકારી યોજનાઓ સાથે જોડ્યા છે. આ યોજનાઓ દ્વારા નવી નોકરીઓનું પણ સર્જન થયું છે. પીએમ આવાસ યોજના હેઠળ, અત્યાર સુધીમાં ૪ કરોડ પાકા મકાનો બનાવવામાં આવ્યા છે અને ૩ કરોડ વધુ નિર્માણાધીન છે. આ સમગ્ર પ્રક્રિયામાં લાખો લોકોને રોજગાર પણ મળ્યો છે. વડાપ્રધાન મોદીએ ૨૨ ઓક્ટોબર ૨૦૨૨ ના રોજ આ રોજગાર અભિયાન શરૂ કર્યું હતું. અત્યાર સુધીમાં, આ મેળાઓ દ્વારા ૧૦ લાખથી વધુ યુવાનોને નિમણૂક પત્રો મળ્યા છે. આ પહેલ સરકારની નીતિનો એક ભાગ છે જેનો હેતુ સરકારી સંસ્થાઓની ક્ષમતાને મજબૂત બનાવવા અને યોગ્યતા, પારદર્શિતા અને કાર્યક્ષમતાના આધારે નિમણૂકો કરવાનો છે.
વડાપ્રધાન એ પોતે સોશિયલ મીડિયા પ્લેટફોર્મ X (અગાઉ ટ્વિટર) પર આ કાર્યક્રમ વિશે માહિતી આપી હતી. તેમણે લખ્યું હતું કે, અમે વિકસિત અને આત્મનિર્ભર ભારતના નિર્માણમાં યુવા સાથીદારોની ભાગીદારી વધારવા માટે કટિબદ્ધ છીએ. આ શ્રેણીમાં, હું ૧૨ જુલાઈના રોજ બીજા રોજગાર મેળાનો ભાગ બનીશ જેમાં હજારો યુવાનોને નિમણૂક પત્રો સોંપવામાં આવશે.
(3:42 PM IST)
છેલ્લા 8 દિવસમાં સૌથી લોકપ્રિય 
